Jemqor memlekettik qyzmetkerler sońǵy 2 jylda memleketke 48,5 milliard teńgege shyǵyn keltirgen. Senatorlar aldynda jemqorlyqqa qarsy strategiianyń iske asýyn aitqan agenttik tóraǵasynyń orynbasary Alik Shpekbaev aitty, - dep habarlaidy "Ult aqparat" "Astana" telearnasyna silteme jasap.
Osy aralyqta 1888 memlekettik qyzmetker jaýapqa tartylǵan. Olardyń 22-si respýblikalyq deńgeidegi laýazymdy tulǵa, 109-y oblystyq deńgeidegi, taǵy 286-sy qalalyq, aýyldyq jerlerdegi jetekshiler. Isti tergeý kezinde olardan kelgen shyǵynnyń úshten eki bóligi óndirilgen. Al sońǵy 5 jylda jymqyrylǵan 70 milliard teńge shetel asyp ketken. 47 sheneýnikke halyqaralyq izdeý jariialanǵan. Biyl jemqor salalardyń kóshin Ishki ister ministrligi bastap tur. Memlekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń orynbasary paraqorlyq túbine balta shabý úshin Shyǵys Eýropa, Baltyq elderi men Grýziia tájiribesin mysalǵa keltirdi.
"Grýziiada sheneýnikterdiń sanyn 3 ese azaita otyryp, jalaqysyn 3 ese kóbeitken. Biz Erǵojin myrzamen osyny máseleni talqylaǵan bolatynbyz. Qazaqstanda memlekettik qyzmetkerlerdiń sanyn 35 paiyzǵa azaitsa, ákimshilik shyǵyndardy eseptei otyryp, eńbek aqysyn 2 esege kóbeitýge bolady. Budan basqa jaǵdai jasaý men memlekettik qyzmetke beki túsýdiń basqa múmkindigi joq. Árine, bul úshin tyńǵylyqty jumys júrgizý kerek. Muny biz joba retinde usynyp kórmekpiz. Bul arqyly barlyǵy ótken", - dedi QR memlekettik qyzmet isteri jáne jemqorlyqqa qarsy is-qimyl agenttigi tóraǵasynyń orynbasary Alik Shpekbaev.
