QR Densaýlyq saqtaý ministrligi 10 qańtarda Májilis pen máslihat depýtattaryn sailaý qanshalyqty qaýipsiz ótetindigi týraly málim etti, dep habarlaidy QazAqparat.
Ortalyq kommýnikatsiialar ortalyǵynda ótken eldegi epidemiologiialyq jaǵdai týraly brifingide QR Densaýlyq saqtaý ministri Aleksei Tsoi Memlekettik bas sanitarlyq dáriger aldaǵy sailaýǵa bailanysty epidemiologiialyq qaýipsizdikti qamtamasyz etý úshin Qaýly qabyldaǵany týraly aitty.
«Memlekettik bas sanitarlyq dáriger aldaǵy sailaýǵa bailanysty epidemiologiialyq qaýipsizdikti qamtamasyz etý úshin Qaýly qabyldady, qujatta birqatar talap qarastyrylǵan, negizgileri mynalar:
sailaý ýchaskesine qoiylatyn talaptar:
- kire beriste termometrmen temperatýra ólsheý;
- sailaýshylardyń júrý baǵytyn kórsetetin belgiler qoiý;
- sailaý komissiiasy músheleri 3 saǵat saiyn maska aýystyrýy tiis;
- qoldy dezinfektsiialaýǵa arnalǵan sanitaizerler bolýy kerek;
- jihaz ben tehnikalyq jabdyqty bir-birinen keminde 1,5-2 metr qashyqtyqta ornalastyrý;
- keminde 1,5-2 metr áleýmettik araqashyqtyq saqtaý;
- kelýshilerdiń dene temperatýrasy kóterilgen (37ºS joǵary) jaǵdaida, adamdy oqshaýlaýǵa arnalǵan jeke kabinet bolýy qajet», - deidi Aleksei Tsoi.
Sondai-aq, ol sailaýshylar men sailaý ýchaskelerinde turaqty jumys isteitin adamdarǵa qoiylatyn talaptar týraly da aityp ótti.
«Sailaýshylarǵa qoiylatyn talaptar:
- sailaý ýchaskesine kelgende meditsinalyq nemese qorǵanys maskasyn jáne qolǵa arnalǵan antiseptikalyq quraldy paidalaný;
- Úide emdelýine bailanysty oqshaýlaý rejimindegi nemese koronavirýs infektsiiasyna bailanysty karantinde otyrǵan daýys berýshiler sailaý ýchaskesinen tys jerde daýys berý týraly ótinish bildirgen jaǵdaida sailaý komissiiasynyń múshesine habarlaýy tiis.
Sailaý ýchaskelerinde turaqty jumys isteitin adamdarǵa qoiylatyn talaptar - joǵary jáne ortasha qaýipti aimaqtardaǵy («qyzyl», «sary» aimaq), qyzyl aimaqta 1 óńir (Atyraý oblysy), sary aimaqta – 6 óńir (Qostanai, Aqmola, SQO, Pavlodar oblystary, Almaty jáne Nur-Sultan qalalary) sailaý komissiiasynyń músheleri, baqylaýshylar men senimdi adamdar («Sailaý týraly» zań boiynsha) 5 qańtar men 9 qańtar aralyǵynda tekserilýi tiis jáne PTR-test nátijesi taza bolýy qajet. Sailaý komissiiasy músheleri, baqylaýshylar jáne senimdi adamdar tegin tekseriledi», - deidi ol.
Osy oraida QR Densaýlyq saqtaý ministri dene qyzýy bar adam jalpyǵa ortaq sailaý ýaskesine kire almaitynyn aitty.
«Dene qyzýy bar adam qai jerge baryp daýys bere alatyny týraly aýmaqtyq saýlaý komissiiasynyn aldyn ala anyqtap, surap alǵany durys. Sebebi dene qyzýy bar adam jalpyǵa ortaq sailaý ýchaskesine kire almaidy, sebebi ol koronavirýspen aýyryp turǵan bolýy múmkin», - deidi ol.
Sondai-aq, Densaýlyq saqtaý ministri Meditsinalyq saqtandyrý qory sailaý komissiiasy músheleriniń PTR testileý shyǵyndaryn óteitinin aitty.
«PTR testiden ótý Áleýmettik meditsinalyq saqtandyrý qory qarjysy esebinen júzege asady. Sailaý komissiiasy músheleri, baqylaýshylar jáne senimdi adamdardy biz testten ótkizemiz jáne oǵan ketetin qarajat ÁMSQ arqyly óteledi. Sailaý ótetin jer adam kóp jinalatyn jáne daýys beretin jer bolǵandyqtan, búkil sailaý protsesiniń qaýipsizdigin qamtamasyz etý maqsatynda testileýdi tegin ótkizý týraly sheshim qabyldandy», - deidi Aleksei Tsoi.
Sonymen qatar, brifing barysynda QR densaýlyq saqtaý vitse-ministri Ajar Ǵiniiat sailaýdyń onlain túrde ótýi múmkin emes ekendigin aitty.
«Sailaý onlain ótpeidi. Elimizdiń Konstitýtsiialyq zańyna sáikes, ár azamat óziniń sailaý ýchaskesine baryp, óziniń jeke kýáligin kórsetip, daýys berýi kerek. Ministrlik pen meditsinalyq qyzmetkerler barlyq qaýipsizdik jaǵyn qamtamasyz etýimiz kerek. Sondyqtan sailaý ýchaskeleriniń kire berisinde bailanyssyz termometriia jáne sailaýshylar úshin qozǵalys baǵyty boiynsha qashyqtyq belgileriniń kórsetkishi bolýy kerek», - deidi Ajar Ǵiniiat.
Ol sailaý komissiiasynyń jumysyn barlyq kezeń ishinde árbir 3 saǵat saiyn baqylap, maska taǵý rejiimn saqtaýy kerek ekenin aitty.
«Qoldy dezinfektsiialaýǵa arnalǵan sanitaizer bolýy kerek. Jihaz ben tehnikalyq jabdyqtar bir-birin 1,5-2 metr qashyqtyqta ornalasýy kerek. Ýchaskege kelgen sailaýshynyń bári meditsinalyq maskamen kelýi tiis jáne oqshaýlaý rejimin belgilep, araqashyqtyqty saqtaýlary qajet», - deidi ol.
Eske sala ketsek, 10 qańtarda Májilis pen máslihat depýtattaryn sailaý ótedi.
