Búgin QR Ortalyq sailaý komissiiasynyń otyrysynda sailaý komissiialarynyń múshelerin jáne sailaý protsesiniń basqa da qatysýshylaryn oqytýdy uiymdastyrý qorytyndylary aityldy, dep habarlaidy "Ult aqparat".
Kún tártibindegi másele boiynsha Ortalyq sailaý komissiiasynyń hatshysy Sabila Mustafina baiandama jasady. Ol elektoraldyq oqytýdy uiymdastyrý qorytyndysy boiynsha respýblika kóleminde 5 180 oqytý is-sharasy ótkizilgenin habarlady. Onyń ishinde:
- Ortsailaýkom deńgeiinde - 40 oqytý is-sharasy, sonyń barysynda aýmaqtyq sailaý komissiialarynyń 1 007 múshesi jáne sailaýdyń basqa da 1 454 qatysýshysy oqytyldy;
- óńirlik deńgeide – 5 140 is-shara, qatysýshylardyń jiyntyq sany - 148 062 adam.
Elektoraldyq oqytý aiasynda Ortsailaýkom sailaý komissiiasy múshelerin oqytý úshin eki oqý-ádistemelik keshen, sondai-aq sailaý protsesiniń basqa da qatysýshylarynyń sanattary úshin elektoraldyq oqytý tujyrymdamasy ázirlendi. 105 keisten turatyn ahýaldyq tapsyrmalar kesheni, sondai-aq ASK jáne ÝSK músheleriniń eki jekelegen sanaty úshin memlekettik jáne orys tilderinde eki oqytý modýli boiynsha testileýge arnalǵan 420 suraqtan turatyn test tapsyrmalarynyń Banki qalyptastyryldy.
Budan basqa, sailaý komissiialarynyń músheleri úshin «Daýys berý kúni» oqytý filmi, úsh ádistemelik qural (ASK, ÝSK músheleri, halyqaralyq baiqaýshylar úshin), jadynama men trafaret (múmkindikteri shekteýli jáne kórý qabileti buzylǵan adamdar úshin), jeti aqparattyq plakat (sailaýshylar úshin), sailaý protsesine qatysýshylardyń barlyq sanattary úshin oqytý jáne aqparattyq-túsindirý baǵytyndaǵy beinerolikter, múmkindikteri shekteýli adamdar úshin tiisti aýdio ónimder ázirlendi. Joǵaryda atalǵan barlyq oqý jáne ádistemelik materialdar QR OSK internet-resýrsynda ornalastyrylǵan.
Sonymen qatar, elektoraldy oqytý sheńberinde sailaý protsesine qatysýshylar «Sailaý salasynyń kadrlaryn qashyqtan oqytý jáne testileý» interaktivti oqytý júiesi boiynsha oqytýdan ótti. Paidalanýshynyń qol jetimdiligi men yńǵailylyǵyn jekelendirýdi qamtamasyz etý úshin tiisti interaktivti platformasynyń mobildi nusqasy jasaldy. Qazirgi kezde sailaý komissiialary músheleriniń jalpy sanynyń 98,4 paiyzy qashyqtan oqytý júiesi arqyly ótti.
Baiandama aiasynda S. Mustafina sailaý taǵaiyndalǵan sátten bastap pandemiia jaǵdaiynda Ortsailaýkomnyń barlyq otyrystary onlain-rejimde jáne sýrdoaýdarmamen qamtamasyz etile otyryp ótkiziletinin atap ótti. OSK internet-resýrsynda sailaý jáne oqytý boiynsha telegramm-arna jáne arnaiy bólimder jumys isteidi.
