Tsifrlyq damý, innovatsiialar jáne aeroǵarysh ónerkásibi birinshi vitse-ministri Baǵdat Mýsin avtokólikti tirkeý rásimin jeńildetý sharalary týraly aitty, dep habarlaidy "Ult aqparat".
«Aptanyń basynda mamandandyrylǵan HQKO-ǵa bardym. Adam óte kóp. Elordalyq mamandandyrylǵan HQKO-ǵa kelýshiler sany birneshe myńnan asady. Árine, bizdiń mindetimiz – qyzmettiń bárin avtomattandyrý. QR IIM-niń tsifrlandyrý boiynsha jańadan taǵaiyndalǵan vitse-ministri Sáken Sársenovpen birge protsesti jeńildetýdi pysyqtaýdamyz. Bizge qazir HQKO-ǵa kelýshiler sanyn múmkindiginshe azaitý qajet. Júrgizilgen taldaý nátijesi Nur-Sultan qalasynda resimdeletin avtokóliktiń 30% avtosalonnan satyp alynatyny anyqtaldy. Sondyqtan avtosalondarda mamandandyrylǵan HQKO buryshyn uiymdastyrýdy uiǵardyq», - dep jazdy B. Mýsin áleýmettik jelidegi paraqshasynda.
Onyń sózine qaraǵanda, avtokólikti tańdaý, bank operatorynyń nesie resimdeýi, HQKO operatorynyń avtokólik kepildigin resimdeýi, memlekettik nómir men tehqujatty alý – bári bir jerde, avtosalonda jasalady.
«Búginde qaladaǵy birqatar avtosalonda osyndai buryshtar jumys isteidi. Sondyqtan qalǵan avtosalondardy óz klientterine osyndai qyzmet kórsetýge shaqyramyz. Ol úshin Azamattarǵa arnalǵan úkimetke habarlasý qajet. Bizge adamdardyń áleýmettik qashyqtyqty saqtaýyna jaǵdai jasaý mańyzdy!», - dedi birinshi vitse-ministr.
Aita keteiik, Baǵdat Mýsin elordanyń ALLURAUTO avtosalonynda ashylǵan HQO buryshynda boldy. Dál osyndai shaǵyn HQO Astana motors avtosalonynda da ashyldy.
Endi mamandandyrylǵan HQO-ǵa júginýdiń qajeti joq, «Azamattarǵa arnalǵan úkimet» memlekettik korporatsiiasynyń mamandary qyzmetti dál osy jerde usyna alady.
Memlekettik korporatsiianyń qyzmetkeri kólik tirkeýine qujattardy qabyldaidy, al birneshe saǵattan keiin kýrer kólik nómiri men daiyn tirkeý kýáligin jańa kólik iesiniń úiine jetkizip beredi.
Bul qanatqaqty joba qazirdiń ózinde Nur-Sultan, Almaty jáne Shymkent qalalaryndaǵy Mercedes-Benz jáne AsterAuto avtosalondarynda jumys isteidi.
Aldaǵy ýaqytta ALLURAUTO-nyń Almaty men Shymkent qalalaryndaǵy avtosalondarynda tiisti bailanys arnalaryn júrgizý josparlanýda.
