Jyl basynan beri Qazaqstanda sary mai shamamen 15 paiyzǵa qymbattady, - dep habarlaidy Tengrinews.kz agenttigi Energyprom.kz saityna silteme jasap.
Jyl basynan shildege deiin elimizde sary mai óndirisi 13,9 myń tonna boldy. Bul ótken jyldyń sáikes kezeńimen salystyrǵanda 12,6 paiyzǵa az. Buǵan deiin óndiris kólemi 31,9 paiyzǵa ósken.
Qazaqstandyq mai zaýyttary jyl basynan beri sary maiǵa suranysty 71 paiyzǵa qamtamasyz etti.
2022 jyldyń qańtar men mamyrynda elimizdiń ishki naryǵynda sary maidy satý 19,9 paiyzǵa ósip, 12,5 myń tonna boldy. Osy kezeńde eksport 4 esege jýyq azaiyp, eleýsiz 541,5 tonnany qurady.
2022 jyldyń shildesiniń sońynda tuzsyz sary mai baǵasy bir aida 1,2 paiyzǵa qymbattady. Jyl basynan beri baǵa birden 14,7 paiyzǵa ósti.
Tuzdalmaǵan sary maidyń respýblikalyq ortasha bólshek saýda baǵasy biylǵy shildede kelisine 3,3 myń teńgege jetti. Iri qalalar jaǵdaiynda baǵa Pavlodarda 2,7 myń teńgeden Atyraýda 4,3 myń teńgege deiin aýytqyǵan.
Jyl basynan beri mai Mańǵystaý oblysynda birden 29 paiyzǵa qymbattady. Odan keiin baǵanyń ósýi tiisinshe 26,7 jáne 26,4 paiyzdy quraǵan Shymkent pen Jambyl oblysy tur.
