جىل باسىنان بەرٸ قازاقستاندا سارى ماي شامامەن 15 پايىزعا قىمباتتادى, - دەپ حابارلايدى Tengrinews.kz اگەنتتٸگٸ Energyprom.kz سايتىنا سٸلتەمە جاساپ.
جىل باسىنان شٸلدەگە دەيٸن ەلٸمٸزدە سارى ماي ٶندٸرٸسٸ 13,9 مىڭ توننا بولدى. بۇل ٶتكەن جىلدىڭ سەيكەس كەزەڭٸمەن سالىستىرعاندا 12,6 پايىزعا از. بۇعان دەيٸن ٶندٸرٸس كٶلەمٸ 31,9 پايىزعا ٶسكەن.
قازاقستاندىق ماي زاۋىتتارى جىل باسىنان بەرٸ سارى مايعا سۇرانىستى 71 پايىزعا قامتاماسىز ەتتٸ.
2022 جىلدىڭ قاڭتار مەن مامىرىندا ەلٸمٸزدٸڭ ٸشكٸ نارىعىندا سارى مايدى ساتۋ 19,9 پايىزعا ٶسٸپ, 12,5 مىڭ توننا بولدى. وسى كەزەڭدە ەكسپورت 4 ەسەگە جۋىق ازايىپ, ەلەۋسٸز 541,5 توننانى قۇرادى.
2022 جىلدىڭ شٸلدەسٸنٸڭ سوڭىندا تۇزسىز سارى ماي باعاسى بٸر ايدا 1,2 پايىزعا قىمباتتادى. جىل باسىنان بەرٸ باعا بٸردەن 14,7 پايىزعا ٶستٸ.
تۇزدالماعان سارى مايدىڭ رەسپۋبليكالىق ورتاشا بٶلشەك ساۋدا باعاسى بيىلعى شٸلدەدە كەلٸسٸنە 3,3 مىڭ تەڭگەگە جەتتٸ. ٸرٸ قالالار جاعدايىندا باعا پاۆلوداردا 2,7 مىڭ تەڭگەدەن اتىراۋدا 4,3 مىڭ تەڭگەگە دەيٸن اۋىتقىعان.
جىل باسىنان بەرٸ ماي ماڭعىستاۋ وبلىسىندا بٸردەن 29 پايىزعا قىمباتتادى. ودان كەيٸن باعانىڭ ٶسۋٸ تيٸسٸنشە 26,7 جەنە 26,4 پايىزدى قۇراعان شىمكەنت پەن جامبىل وبلىسى تۇر.
