Qazaqstanda salyq mádenieti jyl sanap jaqsaryp keledi.
Bul týraly «Ashyq biýdjet» jobasy aiasynda «ANTIKOR ORTALYǴY» alańynda Nur-Sultan qalalyq memlekettik kirister departamentiniń basshysy Qulmuhambet Isaqov málim etti, dep habarlaidy QazAqparat tilshisi.
«Jalpy biz memlekettik qyzmettiń 44 túrin kórsetemiz. Qazan aiynyń kórsetkishi boiynsha 1 mln 522 myń adamǵa memlekettik qyzmet kórsetildi. Onyń 98 paiyzy salyqtyq qyzmetterge qatysty. 2 paiyzy kedendik qyzmetterge tiesili», - deidi Qulmuhambet Isaqov.
Ashyq onlain dialog barysynda departament basshysy qazaqstandyqtardyń salyq mádenieti jyl sanap jaqsaryp kele jatqanyn aityp ótti.
«Memlekettik kirister departamentiniń missiiasy – salyqtyq jáne basqa da mindetti tólemderdiń túsimin ýaqtyly jáne tolyq túsýin qamtamasyz etý, sonymen birge maqsattarǵa jetý úshin memlekettik qyzmetterdi sapaly túrde kórsetý. Jalpy salyq mádenieti tendentsiiasy jalpy jaqsaryp kele jatqanyn atap ótý kerek. Zańbuzýshylyqtar kóbinese qandai da bir ózgerister týraly ýaqtyly bilmeýdiń saldarynan tirkeledi. Bizdiń salyq tóleýshiler óz mindettemelerin ýaqtyly oryndaýǵa tyrysady», - deidi Qulmuhambet Isaqov.
