Foto: ashyq derekkóz
Kólik ministri Marat Qarabaev úkimet kýlýarynda endi rýli oń jaqtaǵy kólikter taksi agregatorlaryna tirkelmeitinin málimdedi.
Ministrdiń aitýynsha, qazirgi tańda InDriver kompaniiasymen memorandýmǵa qol qoiylǵan, onda agregatordyń oń rýldi kólikterdi tirkeýden bas tartýy qarastyrylǵan.
"Zań boiynsha rýli oń jaqtaǵy kóliktermen taksi qyzmetine tyiym salynady, sondyqtan InDriver de, "Iandeks" te olardy tirkemeidi, "Iandeks" pen InDriver 1 qańtarǵa deiin inventarizatsiia júrgizedi, rýli oń jaqtaǵy kólikterdi anyqtaidy jáne shekteidi. Rýli sol jaqqa aýystyrylǵan kólikter bar. Olar azamattardyń densaýlyǵyna jáne qozǵalysqa qaýip tóndiredi. Internet-provaiderler aýdit júrgizedi jáne 1 qańtardan bastap mundai kólikter anyqtalyp, shekteý qoiylady", - dedi Qarabaev.
Sondai-aq ministr IIM jol qozǵalysy erejesin jii buzatyn júrgizýshilerdiń tizimin beretinin, olar da agregatorlyq júieden ajyratylatynyn atap ótti. Bul rette shekteý azamattardyń ózine jáne kólikterine de qatysty bolady, dedi ministr.
