Elimizde oń jaqta ornalasqan rýlmen basqarylatyn kólikterdi tirkeýge tyiym salyndy. Bul týraly QR IIM Ákimshilik politsiia komiteti tóraǵasynyń orynbasary Serik Túsipov málim etti, dep habarlaidy QazAqparat.
«Qazaqstan aýmaǵynda oń jaqta ornalasqan rýlmen basqarylatyn kólikterdi tirkeýge 2018 jyldan bastap tyiym salyndy. Sondyqtan da rýli oń jaqtaǵy kólikter elimizde tirkeýge jatpaidy. Árine, biz azamattarǵa jeke múlik alýyna onyń ishinde avtokólik alýyna da tyiym sala almaimyz. Ár adamnyń jeke quqyǵy bar jáne ol zańmen bekitilgen. Degenmen zańnyń basqa tusy da bar. Osy oraida kólik satyp alýshy, ásirese sheteldik kólikti ielenýshiniń elge ákelmesten buryn zańǵa bir úńilgeni abzal. Kórshi Reseiden kólik ákelse de onyń ózindik talaptary bar. Iaǵni kólikti satyp alý bir bólek, al ony zańdy jolmen ielený ol ekinshi másele, - dedi Serik Túsipov ministrlikte ótken baspasóz máslihatynda.
Sondai-aq, IIM ókili el aýmaǵynda tirkelmegen sheteldik kólik ielerin zańǵa baǵynýǵa shaqyrdy.
Buǵan deiin komitet basshysynyń orynbasary Reseiden zańsyz kólik ákelip, biraq elde tirkemegen 100-den astam qazaqstandyqqa izdeý salynǵanyn málim etti.
Odan bólek, elimizde jol erejesin buzǵan kólikterdiń 20 paiyzy shetelde tirkelgeni aityldy.
