Qazaqstannyń bas memlekettik sanitar dárigeri Aijan Esmaǵambetova koronavirýsqa qarsy revaktsinatsiia týraly jańa qaýlyǵa qol qoidy, - dep habarlaidy Tengrinews.kz agenttigi.
"Qazaqstan Respýblikasynda koronavirýs infektsiiasy jónindegi sanitariialyq-epidemiiaǵa qarsy jáne sanitariialyq-profilaktikalyq is-sharalardy uiymdastyrý jáne ótkizý týraly" Qazaqstan Respýblikasynyń Bas memlekettik sanitariialyq dárigeriniń 2022 jylǵy 13 qańtardaǵy № 2 qaýlysyna ózgeris engizildi.
Jańa qaýlyǵa sáikes, "KVI-ǵa qarsy revaktsinatsiia ekpeniń tolyq kýrsyn alǵan adamdarǵa jáne buryn koronavirýsqa qarsy profilaktikalyq ekpe jasap, 6 ai aralyqtan keiin birinshi revaktsinatsiiany alǵan adamdarǵa júrgiziledi".
Qazaqstannyń aýmaǵynda 3 jáne odan da kóp ai turatyn shetel azamattaryn qosa alǵanda, barlyq adamdar KVI-ge qarsy revaktsinatsiia alýy kerek.
Koronavirýsty juqtyrý qaýpi joǵary myna adamdar qaita vaktsinatsiialanady:
1) meditsina qyzmetkerleri;
2) meditsinalyq-áleýmettik mekemelerdiń kontingenti men personaly;
3) kúsh qurylymdarynyń qyzmetkerleri;
4) pedagogtar;
5) penitentsiarlyq (qylmystyq-atqarý) júie mekemeleriniń kontingenti;
6) 50 jastan asqan adamdar.
Qaýly 25 mamyrdan bastap kúshine enedi.
