Elimizdiń tas joldarynda beinebaqylaý kameralaryn ornatý jalǵasýda. Bul aqyly joldarda aqy óndirý júiesin ornatý boiynsha investitsiialyq jobanyń aiasynda qarastyrylǵan, dep habarlandy QR Indýstriia jáne infraqurylymdyq damý ministrliginiń Telegram kanalynda.
Búginge deiin investor 374 kamera ornatqan. Olar ázirge testi rejiminde jumys istep jatyr. Aqy óndirý júiesi iske qosylǵanda, baǵdarlamalyq-apparattyq keshen avtokóliktiń nómirin, klasyn, qozǵalys jyldamdyǵy men baǵytyn avtomatty túrde anyqtaityn bolady. Eger avtokólikte RFID tańbasy ornatylsa, temir tulpardy anyqtaýdyń senimdiligi anaǵurlym artatynyn aityp ótken jón. Máselen, bireý jalǵan nómirlermen júrip ótse nemese nómirlik belgi nashar kúide bolǵan jaǵdaida, júie durys anyqtai almaýy múmkin. Mundai kúmándi jaǵdailarda RFID tańbasy kólik ielerin júris úshin zańsyz tólem óndirýden saqtaidy.
Beinetirkeýdiń basty mindetteriniń biri – joldardaǵy jyldamdyq rejimin buzý, belgilenbegen jerde toqtaý jáne qarsy baǵyttaǵy qozǵalys jolaǵymen júrý siiaqty jol júrý erejeleriniń buzylýyn tirkeidi.
2024 jylǵa deiin respýblikalyq mańyzy bar 11 myń shaqyrym jolda investitsiialyq joba aiasynda 1000-nan astam kamera ornatylady dep kózdelgen. Olardyń qatarynda tirkeý kameralary, sondai-aq kadrleý jáne sholý kameralary bolmaq.
