Ulytaý oblysy - eń úlken óńirlerdiń biri. Eki aýdannan turady - Jańarqa, Ulytaý, oblystaǵy úsh qala - Jezqazǵan, Qarajal jáne Sátbaev ta kiredi. Jezqazǵan - mys ónerkásibiniń ortalyǵy, ol aimaqtyń ákimshilik ortalyǵyna ainalǵan. Jańa oblystyń halqy shamamen 226 myń adam bolýy tiis.
Abai oblysy Shyǵys Qazaqstan oblysynan bólingen. Keńes zamanynda onyń aýmaǵynda Semei oblysy ornalasqan. Óńir ortalyǵy Semei qalasy boldy. Oblysqa segiz aýdan kirdi: Aqsýat, Abai, Aiagóz, Besqaraǵai, Borodýliha, Jarma, Kókpekti jáne Úrjar, sondai-aq, eki qala - Semei jáne Kýrchatov. Oblys halqy shamamen 640 myń adam bolýy tiis.
Almaty oblysy quramynan bólingen oblys - Jetisý oblysy. Onda 650 myńǵa jýyq adam turady. Oblystyń ákimshilik ortalyǵy Almaty oblysynyń burynǵy ortalyǵy - Taldyqorǵanda ornalasqan. Oblysqa segiz aýdan jáne eki qala kirdi - Aqsý, Alakól, Eskeldi, Qaratal, Kerbulaq, Kóksý, Panfilov, Sarqan aýdandary, Taldyqorǵan jáne Tekeli qalalary.
Buǵan deiin Qazaqstanda jańa oblystar paida bolǵannan keiin el ákimshilik jaǵynan 20 aýmaqqa bólinetini belgili bolǵan: 17 oblys jáne respýblikalyq mańyzy bar úsh qala.
Eske salaiyq, buǵan deiin Prezident Qasym-Jomart Toqaev Joldaýynda elimizdiń ákimshilik-aýmaqtyq qurylymyn jetildirý qajet ekenin málimdegen edi.
