Foto Tengrinews.kz/Turar Qazanǵapov
Ortalyq sailaý komissiiasy ókili respýblikalyq referendým ótkizý tártibin aitty, - dep habarlaidy Tengrinews.kz.
"Respýblikalyq referendýmǵa daiyndyq pen ony ótkizý tártibi "Respýblikalyq referendým týraly" 1995 jylǵy 2 qarashadaǵy Konstitýtsiialyq zańda kórsetilgen. Referendýmdy ótkizýge azamattar erikti túrde qatysady ári bul jasyryn daýys berý arqyly jalpyǵa birdei, teń jáne tikelei qatysý quqyǵyna negizdeledi", - dedi Ortalyq sailaý komissiiasy tóraǵasynyń orynbasary Konstantin Petrov OSK otyrysynda.
Onyń aitýynsha, ákimdikter daýys berýge arnalǵan ýchaskelerdi anyqtap, referendýmǵa qatysýǵa quqyǵy bar azamattardyń tizimin jasaýy tiis. Referendýmdy ázirleý men ótkizýdi OSK, aýmaqtyq sailaý komissiialary men ýchaskelik sailaý komissiialary júzege asyrady. Ortalyq referendým komissiiasynyń qyzmetin OSK atqarady.
"Referendýmnyń quramyn, aýmaqtyq jáne ýchaskelik komissiialaryn jariialaý merzimderi, komissiialardyń ornalasqan jeri men jumys ýaqyty týraly málimetter referendým taǵaiyndalǵannan keiin 10 kúnnen keshiktirilmei, al naqty aitqanda, 15 mamyrdan keshiktirilmei BAQ-ta jariialanýy tiis. Dál osyndai merzimde ákimder BAQ-ta referendým ýchaskeleriniń shekaralary týraly aqparattardy jariialaýy tiis.
Úgit Jarlyq engizilgen sátten bastalyp, 4 maýsymda aiaqtalady.
Respýblikalyq referendýmǵa qatysýǵa quqyǵy bar azamattardyń tizimderine ákim qol qoiady jáne daýys berý bastalǵanǵa deiin 20 kún buryn, 15 mamyrdan keshiktirmei akt boiynsha usynylady", - dep habarlady Petrov.
