Qazaqstanda 20 qarashada ótetin Prezident sailaýynyń qorytyndysy jariialanatyn kún belgili boldy, - dep habarlaidy Tengrinews.kz agenttigi.
Cailaý josparyn Ortalyq sailaý komissiiasy tóraǵasynyń orynbasary Konstantin Petrov málimdedi. Onyń aitýynsha, búkil sailaý naýqany daýys berý kúnin qosqanda 60 kúnge sozylady.
23 qyrkúiek pen 21 qazan Astana ýaqyty boiynsha saǵat 18.00-ge deiin kandidattyń Konstitýtsiia men Konstitýtsiialyq zań talaptaryna sáikestigi anyqtalady.
Qoldardy jinaý jáne tekserý 29 kúnge sozylady.
"21 qazanda saǵat 18.00-den bastap 28 kúnge sozylatyn sailaýaldy úgit-nasihat jumystary daýys berý aldyndaǵy kúni saǵat 00.00-ge deiin júrgiziledi. 19 qarasha - únsizdik kúni.
Daýys berý 20 qarashada jergilikti ýaqyt boiynsha saǵat 7.00-den 20.00-ge deiin ótedi. Sailaý ýchaskelerinde daýystardy sanaý daýys berý aiaqtalǵannan keiin 12 saǵattan keshiktirilmei esepeledi. Ákimshilik aýmaqtyq birlikter boiynsha daýystardy sanaý nátijelerin aýmaqtyq sailaý komissiialary belgileidi jáne eki kún ishinde, iaǵni 22 qarashaǵa deiin Ortsailaýkomǵa jetkizedi.
Nátijelerdi anyqtaý jáne sailanǵan prezidentti tirkeý qoldanystaǵy zańnama normalaryna sáikes OSK-ǵa 7 kúnnen aspai tirkeledi. Sailaý qorytyndylary týraly habarlama 10 kúnnen keshiktirmei buqaralyq aqparat quraldarynda jariialanady. Iaǵni, 30 qarashaǵa deiin barlyq sailaý protsedýralary men resmi jariialanymdar júrgiziledi", - dedi Petrov.
