Foto: Konstitýtsiialyq sot baspasóz qyzmeti
Astanada Konstitýtsiialyq reforma jónindegi komissiianyń ekinshi otyrysy bastaldy. Ádilet ministri Sársembaev azamattar, saiasi partiialar, uiymdar men sarapshylardyń qatysýymen ázirlengen Konstitýtsiiaǵa ózgerister engizý jobasyn tanystyrdy, dep habarlaidy Ult.kz.
Ministrlik basshysy prezident Quryltaidyń (birpalataly parlamenttiń) kelisimimen vitse-prezidentti, premer-ministrdi, Konstitýtsiialyq sottyń 10 sýdiasyn, Ortalyq sailaý komissiiasynyń 6 múshesin jáne Joǵary aýditorlyq palatanyń 8 múshesin taǵaiyndaityn normany bekitýdi usyndy. Sonymen qatar, atalǵan laýazymdarǵa taǵaiyndaýdan parlament qaita-qaita bas tartqan jaǵdaida, memleket basshysyna parlamentti taratý quqyǵyn berý kózdelip otyr.
Budan bólek, prezidenttiń ókilettigi merziminen buryn toqtatylǵan jaǵdaida eldi vitse-prezident basqarýy týraly norma usynyldy. Bul jaǵdaida prezident qyzmetinen merziminen buryn bosatylǵan kúnnen bastap 7 kún ishinde parlament prezident sailaýyn ótkizý týraly sheshim qabyldaidy. Al sailaý parlament sheshim qabyldaǵan kúnnen bastap 2 ai ishinde ótkizilýi kerek.
