Qazaqstanda temir jol men áýe tasymalyna shekteý qoiylýy múmkin be? Bul suraqqa Ortalyq kommýnikatsiialar qyzmetinde ótken baspasóz máslihatynda QR Densaýlyq saqtaý vitse-ministri – bas memlekettik sanitar dáriger Erlan Qiiasov jaýap berdi, dep habarlaidy "Ult aqparat".
«Qazirgi ýaqytta dál mundai talaptardy engizý máselesin qarastyryp jatqan joqpyz. Sebebi ózderińiz biletindei, lokdaýn engizýdiń naqty algoritmderi bar. Buryn ol algoritmderdi Densaýlyq saqtaý ministrligi birneshe ret jariialaǵan. Tolyq lokdaýn 100 myń adamnyń ishinde 50 adam koronavirýs juqtyrǵan jaǵdaida, infektsiialyq aýrýhanalar 70 paiyz naýqastarǵa tolǵan jaǵdaida engiziledi», - dedi Erlan Qiiasov.
Vitse-ministrdiń aitýynsha aldaǵy merekeler qarsańynda temir jol men áýe tasymaly qalypty jaǵdaida jumys isteitinin jetkizdi.
«Álbette, qazir «qyzyl» aimaqtar boiynsha shekteýler áli de kúshinde. Qalǵan óńirlerde qosymsha eshqandai sharalar joq», - dedi ol.
