قازاقستاندا تەمٸر جول مەن ەۋە تاسىمالىنا شەكتەۋ قويىلۋى مٷمكٸن بە? بۇل سۇراققا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ جاۋاپ بەردٸ, دەپ حابارلايدى "ۇلت اقپارات".
«قازٸرگٸ ۋاقىتتا دەل مۇنداي تالاپتاردى ەنگٸزۋ مەسەلەسٸن قاراستىرىپ جاتقان جوقپىز. سەبەبٸ ٶزدەرٸڭٸز بٸلەتٸندەي, لوكداۋن ەنگٸزۋدٸڭ ناقتى الگوريتمدەرٸ بار. بۇرىن ول الگوريتمدەردٸ دەنساۋلىق ساقتاۋ مينيسترلٸگٸ بٸرنەشە رەت جارييالاعان. تولىق لوكداۋن 100 مىڭ ادامنىڭ ٸشٸندە 50 ادام كوروناۆيرۋس جۇقتىرعان جاعدايدا, ينفەكتسييالىق اۋرۋحانالار 70 پايىز ناۋقاستارعا تولعان جاعدايدا ەنگٸزٸلەدٸ», - دەدٸ ەرلان قيياسوۆ.
ۆيتسە-مينيستردٸڭ ايتۋىنشا الداعى مەرەكەلەر قارساڭىندا تەمٸر جول مەن ەۋە تاسىمالى قالىپتى جاعدايدا جۇمىس ٸستەيتٸنٸن جەتكٸزدٸ.
«ەلبەتتە, قازٸر «قىزىل» ايماقتار بويىنشا شەكتەۋلەر ەلٸ دە كٷشٸندە. قالعان ٶڭٸرلەردە قوسىمشا ەشقانداي شارالار جوق», - دەدٸ ول.
