Jyl saiyn elimiz aýmaǵynda politsiianyń 78 ýchaskelik pýnktin salý eskerilgen. Bul týraly QR IIM Ákimshilik politsiia komitetiniń tóraǵasy Murat Baimuqashev aitty, dep habarlaidy "Ult aqparat".
«Aldaǵy bes jyl merzimde ár jyl saiyn politsiianyń 78 ýchaskelik pýnktin salý eskerilgen. Ministr óńir ákimderimen tiisti memorandýmdardy bekitti. Sonymen birge, ýchaskelik pýnkterdiń ornalasýyna erekshe mán bireledi. Qazirgi kezde tek qalalarda ýchaskelik jumys oryndarynyń 30 paiyzy qyzmet kórsetetin ýchaskeden alshaq ornalasqan», - dedi komitet basshysy Ortalyq kommýnikatsiialar qyzmetinde.
Onyń aitýynsha, bul ýchaskelerdiń 2 shaqyrym nemese odan da alys jerde ornalasatyny kezdesedi. Osynyń saldarynan turǵyndar ýchaskelik inspektorǵa bara bermeidi. Sondyqtan ýchaskelik inspektorlardyń ornalasý ornyn qyzmet kórsetetin aýmaqqa barynsha jaqyndatý máselesi pysyqtalyp jatyr.
