KVI men pnevmoniia boiynsha statistikanyń biriktiriletinin aitqan Densaýlyq saqtaý ministri Aleksei Tsoi jyl basynan beri elde 234 187 adam pnevmoniiamen aýyrǵanyn jariia etti, dep habarlaidy "Ult aqparat".
«Osy jyldyń 1 qańtarynan 15 shildesine deiin Qazaqstanda 234 187 adam pnevmoniiamen aýyrǵan. Bul – ótken jyldyń kórsetkishimen salystyrǵanda 3,3 ese kóp (70 926 adam)», - dedi Aleksei Tsoi OKQ-da ótken baspasóz máslihatynda.
Ministr bul málimet pnevmoniianyń barlyq túrin sipattaitynyn jetkizdi.
«Olar - stafilokokk, streptokokk, pnevmokokk, klebsiela jáne basqa da kóptegen qozdyrǵysh týdyratyn bakterialdy pnevmoniia (45 824 jaǵdai tirkelgen, iaǵni 19,6%). Bul - adenovirýs, rinovirýs pnevmoniiasy, sondai-aq parainfliýza virýsy, metapnevmovirýstar jáne basqa da jaqsy zerttelgen virýstardan týǵan pnevmoniia. Al bul – qozdyrǵyshy anyqtalmaǵan virýsty pnevmoniia. Iaǵni, pnevmoniianyń qozdyrǵyshy anyqtalmaǵan, kovidke uqsas pnevmoniia juqtyrǵany joqqa shyǵarylmaǵan», - dedi ol.
Aleksei Tsoi 1 qańtardan 15 shildege deiin pnevmoniiadan 3 327 adam kóz jumǵanyn (2019 jyly - 1 896 jaǵdai) habarlady.
