Ókpe qabynýyna shaldyqqandar koronavirýspen aýyrǵandardan 2-3 ese kóp. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Jalpy, eshteńe jasyrylyp qalyp otyrǵan joq. Ókpe qabynýyna shaldyqqandar sanyn da kórsetemiz. Taiaý ýaqytta muny turaqty negizde, naqty málimetterdi usynyp otyrýdy kózdep otyrmyz. Menińshe, bul jerde mundai derekterdi jariia etýge eshqandai kedergi joq. Tek barlyǵy shynaiy aýqymdy túsinýi tiis», - dedi ministr búgin Ortalyq kommýnikatsiialar qyzmetindegi brifing barysynda.
Onyń dereginshe, qazirgi ýaqytta pnevmoniiaǵa shaldyqqandar sany koronavirýs juqtyrǵandardan áldeqaida kóp.
«Koronavirýs infektsiiasy jaǵdailaryna qaraǵanda ókpe qabynýy 2-3 ese kóp. Qazirgi ýaqytta osyndai ósim baiqalyp otyr. Sońǵy kezde ólim-jitim de bar. Shynaiy kórinis bolýy úshin, muny da aityp otyramyz. Mundai derekterdi saitymyzda nemese aqparat kózderinde jariialaý josparda. Ýaqytyna qatysty aitar bolsam, kelesi aptada bul málimetterdi qolǵa alyp, shynaiy jaǵdaidy barlyǵy kórýi úshin jariia etýge tyrysamyz. Dárigerler mundai derekterdi kórip otyr. Eger halyqty da ol qyzyqtyratyn bolsa, onda biz usynýǵa daiynbyz», - dedi Aleksei Tsoi.
