Foto:elements.envato.com
Qazaqstannyń Japoniia men AQSh-taǵy elshilikteri Sony kompaniiasynyń ókildikterimen qazaqstandyq qoldanýshylarǵa PlayStation Network kabinetine qoljetimdilikti qamtamasyz etý boiynsha kelissózder uiymdastyryp jatyr, - dep habarlaidy Tengrinews.kz.
Tsifrlyq damý, innovatsiialar jáne aeroǵarysh ónerkásibi ministrliginiń málimetinshe, vedomstvo Qazaqstannyń Japoniiadaǵy elshiligine, sondai-aq, AQSh-taǵy elshiligine Sony Interactive Entertainment kompaniiasynyń ókilderimen konferents-qońyraý uiymdastyrý týraly hattar joldaǵan.
Ministrlik ókilderi qazaqstandyq qoldanýshylarǵa PlayStation Network kabinetine jáne Sony oiyndarynyń onlain-dúkenine kirý múmkindigin qaitarý, sondai-aq, osy dúkende qazaqstandyq bank kartalary arqyly tólem jasaý máselesin talqylaǵysy keledi.
Ministrlik ókilderiniń aitýynsha, búginde Qazaqstannyń AQSh-taǵy elshiligi Sony Interactive Entertainment (SIE LLC) kompaniiasymen kezdesýdi uiymdastyrý máselesin sheship jatyr. Qazaqstan Respýblikasynyń Japoniiadaǵy elshiligi de Sony Interactive Entertainment (SIE Inc.) kompaniiasynyń ókilderimen kelissózder uiymdastyrý úshin jumystar júrgizip jatyr. Ministrlik kelissózderdiń qorytyndylary týraly qosymsha habarlaýǵa ýáde beredi.
Eske salaiyq, 2022 jylǵy naýryzdan bastap Resei aýmaǵynda Sony Interactive Entertainment kompaniiasynyń jumysy toqtatylǵannan keiin qazaqstandyqtar óz akkaýnttary arqyly PS Store dúkenine kirý múmkindiginen aiyrylǵan edi. Sebebi olardy Resei arqyly tirkegen (Qazaqstan PlayStation júiesinde bolmaǵan). Sonymen qatar, Sony oiyn konsolderiniń belsendi qoldanýshylary PlayStation qyzmetterine qol jetkizýdi talap etip, kompaniiaǵa ótinishter jibergen bolatyn.
