QR Sanitariialyq-epidemiologiialyq baqylaý komitetiniń tóraǵasy Aijan Esmaǵambetova Pfizer vaktsinasynyń qoldanylý qarqyny týraly aityp berdi, dep habarlaidy QazAqparat.
Áýeli ol atalmysh vaktsinanyń qansha qory bar ekenin, saqtaýly turǵan ekpeniń qai ýaqytqa deiin jaramdy ekenin málim etti.
«Jalpy Pfizer vaktsinasynyń 4 mln dozasyn ákelýimiz kerek. Búginde 3 mln 400 myń ákelindi. Iaǵni, 600 myń dozasyn aldaǵy ýaqytta kútip otyrmyz.
Pfizer vaktsinasynyń 452 myń dozasy birinshi komponent retinde paidalanyldy jáne shamamen 240 myńdaiy ekinshi komponent retinde egildi.
Esterińizde bolsa, Pfizer bizde júkti áielderdiń revaktsinatsiiasy úshin de qoldanylady. Endi 60-tan asqandarǵa da ekpeniń osy túrin revaktsinatsiiaǵa jiberdik. Bul maqsattarǵa ázirge Pfizer vaktsinasynyń 6 myńnan sál asatyn dozasy paidalanyldy. Bul vaktsinalardyń jaramdylyq merzimine kelsek, qyrkúiek aiy bitkenshe jaramdy», - dedi komitet basshysy Ortalyq kommýnikatsiialar qyzmetinde ótken brifingide.
Aitýynsha, kún ótken saiyn eldiń Pfizer vaktsinasyna degen senimi artyp keledi.
«Biz Pfizer vaktsinasyn ege bastaǵan kezde táýlik saiyn 500-300 adam ǵana ekpe qabyldaǵany esterińizde shyǵar. Iaǵni, kez kelgen vaktsina siiaqty, basynda bári áliptiń artyn baqty. Keiin qaýipsiz ekenine kózderi jetken soń vaktsinatsiia qarqyny arta bastady. Búginde táýlik saiyn Pfizer vaktsinasyn 15-16 myń adam qabyldaidy. Onyń ishinde balalar da, júkti áielder de, bala emizetinder de bar. Búginde Pfizer vaktsinasynyń 1 mln dozasyn táýekel tobyndaǵy adamdarǵa baǵyttaǵaly otyrmyz», - dedi Aidan Esmaǵambetova.
