Pfizer men BioNTech vaktsinasy Qazaqstanǵa 2021 jyldyń ekinshi jartyjyldyǵynan keiin keledi dep kútilýde. Bul týraly Ortalyq kommýnikatsiialar ortalyǵynda ótken brifingide QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Jańa jyl qarsańynda biz «Pfizer» kompaniiasymen taǵy bir márte kelissóz júrgizdik. Biz osy vaktsinalardy jetkizý múmkindigi, shyǵyndar týraly máselelerdi talqyladyq. Sonymen qatar, qupiialylyq týraly, iaǵni biz jariialai almaityn aqparat týraly kelisimge qol qoidyq. Bul kelisim ishki parametrlerge qatysty. Jalpy alǵanda, bul vaktsinany Qazaqstanǵa ekinshi jartyjyldyqqa deiin jetkizý týraly usynys aityldy», - deidi QR Densaýlyq saqtaý ministri Aleksei Tsoi.
Sondai-aq, ol áriptesterine osy vaktsinany QR aýmaǵynda tirkeý jáne rásimdeý úshin qujattardy engizýdi usynǵandaryn aitty.
«Bul vaktsinany alýymyz úshin jumysty tezdetýdi suradyq. Alaida ázirge bizge 2021 jyldyń ekinshi jartyjyldyǵynan erte jetkizilmeitini málimdeldi», - deidi ol.
