Qazaqstanda pedagogtar oqýlyqtardy ózderi tańdaidy.
Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Oqýlyqtardyń alternativtiligi qamtamasyz etiletin bolady. Ol boiynsha biz qazirgi ýaqytta zańnamaǵa tiisti ózgerister daiyndap jatyrmyz. Bul turǵyda 1-den 11-synyp aralyǵyndaǵy oqýlyqtardyń alternativtiligi eskerilip otyr. Bizdińshe, bul óte mańyzdy másele. Osy oraida tiimdi dep sanalatyn oqýlyqtardy pedagogtardyń ózderi tańdaý múmkindigin qamtamasyz etý mańyzdy. Qazir bizde biryńǵai oqýlyqtar bar. Olar beiindilikti eskermesten, gimnaziia, litsei jáne jalpy bilim beretin mektepter úshin biryńǵai ári birdei bolyp tur», - dedi Aimaǵambetov.
Onyń aitýynsha, bul norma osy maqsatty sheshýge jáne pedagogtar suranysyn eskere otyryp, tapsyrys berýge múmkindik beredi.
«Tek, biryńǵai oqýlyqtar Qazaqstan tarihy men Dúniejúzilik tarih boiynsha saqtalady. Bul oqýlyqtar biryńǵai baǵdarlama boiynsha júredi. Qazirgi kezde tiisti jumystar pysyqtalyp jatyr», - dedi ministr.
