Jerdiń tiimdi paidalanylýy men qorǵalýyn memlekettik turǵyda baqylaýdy jetildirý maqsatynda zań jobasy ázirlenip jatyr, dep habarlaidy "Ult aqparat".
«Zań jobasy paidalanylmaityn aýyl sharýashylyǵy jerlerin tekserý kezeńderi men alyp qoiý merzimderin qysqartýdy (2 jyldan 1 jylǵa deiin), ǵaryshtyq monitoring derekteri boiynsha bailanyssyz baqylaý protsesin avtomattandyrýdy, tekseriletin obektini mátindik habarlamalar arqyly uialy bailanys arnalarymen habardar etý rásimin avtomattandyrýdy kózdeidi», - dedi Aýyl sharýashylyǵy ministri Saparhan Omarov OKQ-da ótken baspasóz máslihatynda.
Ministr budan bólek Tsifrlyq damý, innovatsiialar jáne aeroǵarysh ónerkásibi ministrligimen birlesip, halyqqa qoljetimdi bolatyn tiimdi memlekettik elektrondyq jer kadastryn engizý jumysy júrgizilip jatqanyn baian etti.
Bul 2023 jyldan bastap qazaqstandyqtar úshin jerdi elektrondy túrde ashyq bólýge kóshýge múmkindik beredi.
«Jer ýchaskelerin berýdiń elektrondyq tártibi jer qatynastary salasyndaǵy biýrokratiialyq jáne sybailas jemqorlyq alǵysharttaryn joiyp, jer ýchaskesin alý rásimderiniń ashyqtyǵyn qamtamasyz etedi», - dedi Saparhan Omarov.
