Keshe, 19 qarashada Qazaqstanda koronavirýs juqqany arnaiy testpen rastalǵan 791 adam anyqtaldy. Bir kúnde 311 adam jazyldy.
Densaýlyq saqtaý ministrliginiń aqparaty boiynsha, beisenbi kúni eń kóp naýqas Shyǵys Qazaqstan oblysynda (242) tirkelgen. Koronavirýs juqqandardyń eldegi eń iri qala - Almatyda da óskeni baiqalady. Munda bir kúnde 91 naýqas anyqtalǵan. Ótken kúni bul kórsetkish 42 bolǵan.
Soltústik Qazaqstan oblysynda - 85, Pavlodar oblysynda - 85, Qostanai oblysynda - 63, Nur-Sultan qalasynda - 53, Aqmola oblysynda 48 adamnan koronavirýs infektsiiasy anyqtalǵan.
Qyzylorda, Mańǵystaý oblystarynda ótken táýlikte naýqas anyqtalmaǵan.
Naýryz aiynan beri koronavirýs juqqany testpen dáleldengender 123 888 adamǵa jetti: 111 myńnan astamy jazylǵan, 1964-i qaitys bolǵan.
Onyń ishinde:
Almaty qalasynda - 15458 (+91),
Nur-Sultan qalasynda - 15448 (+53),
Shyǵys Qazaqstan oblysynda - 14650 (+242),
Atyraý oblysynda - 11496 (+19),
Qaraǵandy oblysynda - 10899 (+20),
Batys Qazaqstan oblysynda - 7643 (+39),
Almaty oblysynda - 5473 (+25),
Soltústik Qazaqstan oblysynda - 5345 (+85),
Shymkent qalasynda - 5315 (+5),
Pavlodar oblysynda - 5294 (+85),
Qostanai oblysynda - 4552 (+63),
Aqmola oblysynda - 4448 (+48),
Jabmbyl oblysynda - 4293 (+11),
Túrkistan oblysynda - 3449 (+1),
Aqtóbe oblysynda -3431 (+4),
Mańǵystaý oblysynda - 3420 (+0),
Qyzylorda oblysynda -3274 (+0).
Qazaqstannyń koronavirýs statistikasyna koronavirýs pnevmoniiasyna shaldyqqandar esebi engizilmegen. 1 tamyzdan beri 40 690 adamǵa koronavirýs pnevmoniiasy diagnozy qoiylǵan, 423 adam qaitys bolǵan, 30 myńǵa jýyǵy jazylǵan.
Osy aptada prezident Qasym-Jomart Toqaev "birqatar aimaqtarda derekterdi jasyrý anyqtaldy" dep málimdegen. Izinshe máselege túsinikteme bergen keibir aimaqtyń densaýlyq saqtaý salasyndaǵy basshylary "másele 50 shaqty naýqasta bolyp otyr, bul máseleniń sebebi anyqtalyp, sheshildi" dep aitqan.
Keibir mamandar Qazaqstannyń resmi oryndary taratqan koronavirýs málimetke kúmánmen qaraidy. Táýelsiz zertteý júrgizgen Sandj zertteý uiymy "elde úsh millionnan astam adamǵa virýs juqqan" dep sanaidy.
