13 qarasha kúni Qazaqstanda koronavirýs juqtyrǵany Covid testimen (PTR) rastalǵan 704 naýqas tirkeldi. Onyń 35 paiyzy Shyǵys Qazaqstan oblysynyń úlesinde. Bul týraly Qazaqstan densaýlyq saqtaý ministrligi habarlady.
Aimaqtar boiynsha, ádettegidei Shyǵys Qazaqstan oblysy kósh bastap tur. Onda bir kún ishinde 248 naýqas anyqtaldy. Oblystyń táýlik kórsetkishi boiynsha ózge oblystardan alda kele jatqanyna eki aidan asty. Qazir oblysta Covid juqtyrǵandardyń jalpy sany 13 272 adamǵa jetip otyr. Bul – Almaty (15166) jáne Nur-Sultan (15110) qalalarynan keiingi úshinshi nátije.
ShQO-dan keiingi oryndarda - Nur-Sultan jáne Almaty qalalary. Onda sáikesinshe 86 jáne 77 naýqas anyqtalǵan. Qostanai oblysynda 52, Soltústik Qazaqstan oblysynda 51, Pavlodar oblysynda 49 naýqas tirkeldi. Aqmola jáne Batys Qazaqstan oblystarynda naýqas sany teń – 35.
Sondai-aq, Almaty oblysynda - 20, Qaraǵandy oblysynda - 17, Atyraý oblysynda - 12, Aqtóbe oblysynda - 7, Jambyl oblysynda - 6, Shymkent qalasynda 5 naýqas tirkelgen.
Eń tómengi kórsetkishter - Qyzylorda (2), Mańǵystaý (1) jáne Túrkistan (1) oblystarynyń úlesinde.
Elde virýs juqtyrǵany PTR testimen rastalǵandar sany 119 833 adamǵa jetti. Onyń 109 275-i jazylyp shyqqan. Segiz myńǵa jýyǵy emdelip jatyr, 1924-i qaitys bolǵan.
Covid jónindegi ulttyq statistikaǵa esebi 1 tamyzdan beri júrgizilip kele jatqan koronavirýs pnevmoniiasy statistikasy (koronavirýstyń PTR testimen rastalmaǵan keisteri) kirmegen. 13 qarashadaǵy derek boiynsha, pnevmoniianyń bul túri tamyzdan basynan beri 39 724 adamnan anyqtalǵan, onyń 415-i qaitys bolǵan.
