13 قاراشا كٷنٸ قازاقستاندا كوروناۆيرۋس جۇقتىرعانى Covid تەستٸمەن (پتر) راستالعان 704 ناۋقاس تٸركەلدٸ. ونىڭ 35 پايىزى شىعىس قازاقستان وبلىسىنىڭ ٷلەسٸندە. بۇل تۋرالى قازاقستان دەنساۋلىق ساقتاۋ مينيسترلٸگٸ حابارلادى.
ايماقتار بويىنشا, ەدەتتەگٸدەي شىعىس قازاقستان وبلىسى كٶش باستاپ تۇر. وندا بٸر كٷن ٸشٸندە 248 ناۋقاس انىقتالدى. وبلىستىڭ تەۋلٸك كٶرسەتكٸشٸ بويىنشا ٶزگە وبلىستاردان الدا كەلە جاتقانىنا ەكٸ ايدان استى. قازٸر وبلىستا Covid جۇقتىرعانداردىڭ جالپى سانى 13 272 ادامعا جەتٸپ وتىر. بۇل – الماتى (15166) جەنە نۇر-سۇلتان (15110) قالالارىنان كەيٸنگٸ ٷشٸنشٸ نەتيجە.
شقو-دان كەيٸنگٸ ورىنداردا - نۇر-سۇلتان جەنە الماتى قالالارى. وندا سەيكەسٸنشە 86 جەنە 77 ناۋقاس انىقتالعان. قوستاناي وبلىسىندا 52, سولتٷستٸك قازاقستان وبلىسىندا 51, پاۆلودار وبلىسىندا 49 ناۋقاس تٸركەلدٸ. اقمولا جەنە باتىس قازاقستان وبلىستارىندا ناۋقاس سانى تەڭ – 35.
سونداي-اق, الماتى وبلىسىندا - 20, قاراعاندى وبلىسىندا - 17, اتىراۋ وبلىسىندا - 12, اقتٶبە وبلىسىندا - 7, جامبىل وبلىسىندا - 6, شىمكەنت قالاسىندا 5 ناۋقاس تٸركەلگەن.
ەڭ تٶمەنگٸ كٶرسەتكٸشتەر - قىزىلوردا (2), ماڭعىستاۋ (1) جەنە تٷركٸستان (1) وبلىستارىنىڭ ٷلەسٸندە.
ەلدە ۆيرۋس جۇقتىرعانى پتر تەستٸمەن راستالعاندار سانى 119 833 ادامعا جەتتٸ. ونىڭ 109 275-ٸ جازىلىپ شىققان. سەگٸز مىڭعا جۋىعى ەمدەلٸپ جاتىر, 1924-ٸ قايتىس بولعان.
Covid جٶنٸندەگٸ ۇلتتىق ستاتيستيكاعا ەسەبٸ 1 تامىزدان بەرٸ جٷرگٸزٸلٸپ كەلە جاتقان كوروناۆيرۋس پنەۆمونيياسى ستاتيستيكاسى (كوروناۆيرۋستىڭ پتر تەستٸمەن راستالماعان كەيستەرٸ) كٸرمەگەن. 13 قاراشاداعى دەرەك بويىنشا, پنەۆمونييانىڭ بۇل تٷرٸ تامىزدان باسىنان بەرٸ 39 724 ادامنان انىقتالعان, ونىڭ 415-ٸ قايتىس بولعان.
