5 qarashada Qazaqstanda 591 adamǵa koronavirýs juqqany testpen rastaldy. Sondai-aq 200 adam qaýipti indetten emdelip shyqty. Densaýlyq saqtaý ministrliginiń 6 qarasha tańerteń taratqan habarlamasynda osylai dep jazylǵan.
Ótken táýlikte eń kóp naýqas Shyǵys Qazaqstan oblysynda (250) tirkelgen. Pavlodar oblysynda - 68, Qostanai oblysynda - 49, Batys Qazaqstan oblysynda - 49, Nur-Sultan qalasynda - 34, Aqmola oblysynda - 30, Almaty qalasynda - 30, Soltústik Qazaqstan oblysynda - 25, Qaraǵandy oblysynda - 20, Almaty oblysynda - 10, Atyraý oblysynda - 9, Aqtóbe oblysynda - 6, Shymkent qalasynda - 5, Jambyl oblysynda - 4, Túrkistan oblysynda 2 adamnan koronavirýs infektsiiasy tabylǵan. Qyzylorda, Mańǵystaý oblystarynda birde-bir naýqas anyqtalmaǵan.
Qazaqstanda naýryz aiynan beri koronavirýs juqqany PTR-testpen rastalǵandar sany 114 826 adamǵa jetti. Onyń 107 myńnan astamy jazylǵan. Naýryz aiynan beri keminde 1873 adam qaitys bolǵan.
Diagnozy tek aýrý belgileri boiynsha qoiylatyn koronavirýs pnevmoniiasy 38 myńnan astam adamnan anyqtalǵan, 406 adam qaitys bolǵan. Úkimet koronavirýs pnevmoniiasy dereginiń aimaq boiynsha bólinisin júieli túrde jariialamaidy.
Aita keteiik, Qazaqstannyń birqatar oblystarynda shekteý sharalary kúsheidi. 9 qarashadan bastap Soltústik Qazaqstan, Pavlodar, Qostanai oblystary, Kókshetaý qalalarynda blokbeketter qoiylyp, aýmaqqa kirip shyǵý shekteledi. Qazir Qaraǵandy, Shyǵys Qazaqstan oblystary aýmaǵyna kirip-shyǵý úshin jolaýshylar qolynda PTR-test nátijesi bolýy tiis.
