5 قاراشادا قازاقستاندا 591 ادامعا كوروناۆيرۋس جۇققانى تەستپەن راستالدى. سونداي-اق 200 ادام قاۋٸپتٸ ٸندەتتەن ەمدەلٸپ شىقتى. دەنساۋلىق ساقتاۋ مينيسترلٸگٸنٸڭ 6 قاراشا تاڭەرتەڭ تاراتقان حابارلاماسىندا وسىلاي دەپ جازىلعان.
ٶتكەن تەۋلٸكتە ەڭ كٶپ ناۋقاس شىعىس قازاقستان وبلىسىندا (250) تٸركەلگەن. پاۆلودار وبلىسىندا - 68, قوستاناي وبلىسىندا - 49, باتىس قازاقستان وبلىسىندا - 49, نۇر-سۇلتان قالاسىندا - 34, اقمولا وبلىسىندا - 30, الماتى قالاسىندا - 30, سولتٷستٸك قازاقستان وبلىسىندا - 25, قاراعاندى وبلىسىندا - 20, الماتى وبلىسىندا - 10, اتىراۋ وبلىسىندا - 9, اقتٶبە وبلىسىندا - 6, شىمكەنت قالاسىندا - 5, جامبىل وبلىسىندا - 4, تٷركٸستان وبلىسىندا 2 ادامنان كوروناۆيرۋس ينفەكتسيياسى تابىلعان. قىزىلوردا, ماڭعىستاۋ وبلىستارىندا بٸردە-بٸر ناۋقاس انىقتالماعان.
قازاقستاندا ناۋرىز ايىنان بەرٸ كوروناۆيرۋس جۇققانى پتر-تەستپەن راستالعاندار سانى 114 826 ادامعا جەتتٸ. ونىڭ 107 مىڭنان استامى جازىلعان. ناۋرىز ايىنان بەرٸ كەمٸندە 1873 ادام قايتىس بولعان.
دياگنوزى تەك اۋرۋ بەلگٸلەرٸ بويىنشا قويىلاتىن كوروناۆيرۋس پنەۆمونيياسى 38 مىڭنان استام ادامنان انىقتالعان, 406 ادام قايتىس بولعان. ٷكٸمەت كوروناۆيرۋس پنەۆمونيياسى دەرەگٸنٸڭ ايماق بويىنشا بٶلٸنٸسٸن جٷيەلٸ تٷردە جارييالامايدى.
ايتا كەتەيٸك, قازاقستاننىڭ بٸرقاتار وبلىستارىندا شەكتەۋ شارالارى كٷشەيدٸ. 9 قاراشادان باستاپ سولتٷستٸك قازاقستان, پاۆلودار, قوستاناي وبلىستارى, كٶكشەتاۋ قالالارىندا بلوكبەكەتتەر قويىلىپ, اۋماققا كٸرٸپ شىعۋ شەكتەلەدٸ. قازٸر قاراعاندى, شىعىس قازاقستان وبلىستارى اۋماعىنا كٸرٸپ-شىعۋ ٷشٸن جولاۋشىلار قولىندا پتر-تەست نەتيجەسٸ بولۋى تيٸس.
