Ótken demalys kúnderi elimizdiń sý aidyndarynda 15 adam, onyń ishinde 5 bala qaitys boldy, dep habarlaidy "Ult aqparat" tótenshe jaǵdailar komitetiniń baspasóz qyzmetine silteme jasap.
19 shilde kúni Aqmola oblysynda Jaltyrkól aýylynan 5 shaqyrym jerde Esil ózeninen qutqarýshylar jabdyqtalmaǵan jerde shomylyp júrip, sýǵa batqan 2005 jáne 2008 jyly týǵan eki balanyń denesin tapty. Olar munda týystarymen birge demalýǵa kelgen.
Qostanai oblysynda Qaiyńdy kentinen 7 shaqyrym jerde Torǵai ózeninde 1960 jáne 1970 jyly týǵan 2 er adam sýǵa ketti. Olar jabdyqtalmaǵan jerde shomylǵan. Marqumdardyń denesin kýágerler alyp shyqqan.
Shomylý maýsymy bastalǵaly 144 adam, onyń ishinde 43 bala sýǵa ketken.
Mundai qaiǵyly oqiǵalardyń negizgi sebepteri - óz shamasyn bilmeý, mas kúiinde shomylý, sýǵa batyp bara jatqan adamdy qutqarý jáne balalardy qaraýsyz qaldyrý.
1 maýsymnan beri sý aidyndarynda qutqarýshylar 51 adamdy, onyń ishinde 11 balany aman alyp qalǵan.
