Prezident Qasym-Jomart Toqaev Úkimet janynan Kásipkerler keńesin qurýdy tapsyrdy, - dep habarlaidy Tengrinews.kz tilshisi.
Biznes ókilderimen kezdesýde Toqaev mundai kezdesýlerdi turaqty túrde ótkizýge daiyn ekenin málimdedi.
"Áleýmettik-ekonomikalyq reformalardyń árbir baǵyty boiynsha jobalyq top qurýǵa bolady, oǵan árqaisyńyz óz ókilińizdi jibere alasyz nemese jeke qatysa alasyz. Munda artyq biýrokratiia men formalizm qajet emes. Sizderdiń árqaisyńyz, eń aldymen, isker adamsyz. Daiyndalǵan paketter men usynystar "jańa ekonomikalyq saiasat" orta merzimdi baǵdarlamasy negizine jatqyzylýy tiis. Úkimet janynan otandyq kásipkerler keńesin qurýdy tapsyramyn. Mundai organ biznestiń oilary men ideialaryn tikelei jetkizýge múmkindik beredi jáne qabyldanatyn sheshimderdiń kýlýarlyǵyn tómendetedi dep oilaimyn", - dedi Toqaev.
