QR Ulttyq ekonomika ministri Timýr Súleimenovtyń aitýynsha, ústimizdegi jyldyń alǵashqy toqsanynda ortasha jalaqynyń kólemi ósti, dep xabarlaidy QazAqparat tilshisi.
«Iá, ortasha jalaqynyń óskenin erekshe atap ótken jón. Búginde ortasha jalaqy 148,6 myń teńgeni qurap otyr. Biyl atalǵan kórsetkish 3,8 paiyzǵa ósti. Ótken jyly týra osy ýaqytta, kerisinshe, 9,6 paiyzǵa tómendegen. 2015 jylda da ortasha jalaqynyń kólemi azaiǵan bolatyn. Sondyqtan ústimizdegi jylda ortasha jalaqynyń kóterilýi - qýantarlyq jaǵdai», - dedi Súleimenov Úkimettiń búgingi otyrysynda. Ministrdiń sózine qaraǵanda, ótken jyldyń alǵashqy toqsanymen salystyrǵanda, jumyssyzdyqtyń deńgeii 0,1 paiyzǵa tómendep, 4,9 paiyzdy qurady.
Aita keteiik, búgin ministr elimizdiń áleýmettik-ekonomikalyq damýy boiynsha alǵashqy úsh aidyń qorytyndysyn jariialady. Onyń aitýynsha, búginde xalyqtyń nesieni teńgemen kóptep ala bastaǵany baiqalǵan.
