Foto: Tengrinews.kz, Turar Qazanǵapov
2023 jyldyń úshinshi toqsanynda Qazaqstandaǵy ortasha ailyq jalaqy 350,5 myń teńgeni qurady, dep habarlaidy Finprom.
Bul bir jyl burynǵydan nominaldy túrde 16,9%-ǵa artyq. Alaida infliatsiiany eskergendegi naqty ósim 3,5%-dy qurady.
Ótken jyldyń sáikes kezeńinde ortasha ailyq jalaqy 299,8 myń teńgeni quraǵan.
Óńirler boiynsha eń joǵary ortasha ailyq jalaqy 602,4 myń teńge kóleminde Atyraý oblysynda tirkeldi. Bul bir jyl burynǵydan nominaldy túrde 14,3%-ǵa jáne naqty mánde 2,8%-ǵa artyq.
Kósh bastap turǵan óńirler qatarynda Mańǵystaý (519,1 myń teńge, bir jyldaǵy ósim naqty mánde 2,2%) jáne Ulytaý (471,3 myń teńge, ósim 5,4%) oblystary da bar.
Eń tómengi ortasha ailyq jalaqy Túrkistan oblysynyń turǵyndary alatyny belgili boldy: 248,9 myń (bir jyldaǵy ósim 1,8%). Bul úshtikke Jambyl jáne Soltústik Qazaqstan oblystary da kirdi.
Salalar boiynsha eń joǵary ortasha ailyq jalaqyny dástúrli túrde taý-ken óndirý jáne karerlerdi óńdeý ónerkásibiniń qyzmetkerleri aldy: 756,7 myń teńge. Bul bir jyl burynǵydan nominaldy túrde 16,5%-ǵa kóp.
Eń kóp jalaqy tóleitin úsh salaǵa sondai-aq qarjy jáne saqtandyrý qyzmeti (668,9 myń teńge) jáne aqparat jáne kommýnikatsiia salasy (525,8 myń) endi.
Eldegi eń tómengi jalaqyny óner, oiyn-saýyq jáne demalys, aýyl, orman jáne balyq sharýashylyǵy, sý jabdyqtaý jáne sý burý salalaryndaǵy qyzmetkerler alady.
