Qazaqstanda ortasha ailyq jalaqy 152,3 myń teńgeni qurady, dep habarlady ulttyq ekonomika ministri Timýr Súleimenov.
Súleimenovtiń málimetinshe, joǵary óndiristik belsendilik eńbek naryǵyndaǵy kórsetkishterge oń áser etken. Biylǵy jyldyń basynan beri 134,8 myń adam jumysqa ornalastyrylǵan. Sonymen birge sáýirde jumyssyzdyq deńgeii ózgerissiz qalyp, 4,9%-dy kórsetken.
"Jalaqy údemeli qarqynmen ósip jatyr. Biylǵy jyldyń qańtar-sáýirinde ortasha ailyq jalaqy 152,3 myń teńgeni qurap, naqty kóriniste 1,2%-ǵa ósti", — dedi Súleimenov úkimet otyrysynda.
Ministr sondai-aq biylǵy jyldyń qańtar-mamyrynda JIÓ ósimi 3,9%-dy kórsetkenin atap ótti. Ekonomikanyń kóterilýine infliatsiialyq protsesterdiń baiaýlaýy men joǵary investitsiialyq belsendilik yqpal etken.
Infliatsiia jyl basynan beri 2,4%-dy qurady, bul ótken jyldyń sáikes kezeńimen salystyrǵanda 0,9 protsentke tómen.
