© Sputnik / Vladislav Vodnev
Qazaqstanda onlain-ýniversitetter ashylady. Bul týraly bilim jáne ǵylym vitse-ministri Qýanysh Erǵaliev málimdedi, - dep habarlaidy Sputnik Qazaqstan.
"Qazaqstannyń bilim jáne ǵylym ministrligi joǵary bilim berý júiesine jańa oqý ádisin engizýdi josparlap otyr. Biz jańa format – onlain oqytý týraly aityp otyrmyz. Elimizde alǵashqy onlain-ýniversitetter ashylady", - dedi vitse-ministr ministrliktiń alqa otyrysynda.
Joǵary oqý oryndarynda bilim alý úshin beriletin grant sany 5 myńǵa ulǵaitylady. Onyń 60%-i tehnikalyq mamandyqtarǵa bólinedi.
Eske salsaq, buǵan deiin Qazaqstan prezidenti Qasym-Jomart Toqaev qazaqstandyqtar tehnikalyq mamandyqtardy igerýge tiis ekenin, onyń ishinde sheteldik oqý oryndarynda bilim alý múmkindigi týraly aitty.
Sonymen qatar, Qýanysh Erǵaliev prezident Toqaevtyń tapsyrmasy boiynsha bilim jáne ǵylymi ministrligi "Bolashaq" baǵdarlamasyn qaita beiimdeý jáne reformalaý boiynsha jumystardy bastaǵanyn atap ótti.
