Qazaqstanda Ónerkásiptiń jai-kúii týraly ulttyq baiandama ázirlenedi. Bul týraly Májilistegi dóńgelek ústel barysynda QR Indýstriia jáne infraqurylymdyq damý vitse-ministri Erjan Amaniziaov aitty, dep habarlaidy QazAqparat.
«Úkimettik nusqada Ónerkásiptiń jai-kúii týraly ulttyq baiandama kózdelmegen. Biraq, onda indýstriialyq ahýaldy baǵalaý bar. Depýtattarmen túzetýlerdi jumys tobynda talqylaý barysynda indýstriialyq ahýal men ónerkásiptiń damýyn baǵalaýdy bir qujatqa toptastyramyz dep sheshtik. Jáne de Ónerkásiptiń jai-kúii týraly ulttyq baiandamaǵa túzetýler engizildi ári QR Prezidentiniń qaraýyna usynylady», - dedi Amaniiaz Erjanov.
Onyń atap ótýinshe, engizilgen túzetýlerge sáikes, Ulttyq baiandama eki analitikalyq derekkózge, atap aitqanda, indýstriialyq damýdy baǵalaý men ónerkásipti memlekettik yntalandyrý is-sharalarynyń tiimdiligin baǵalaýǵa negizdeledi.
«Túptep kelgende Ulttyq baiandama memlekettik josparlaý júiesinde qujattar qalyptastyrý úshin negiz bolady jáne ózine Ulttyq ekonomika ministrligi ainalysatyn memlekettik josparlaý júiesiniń barlyq máselelerin daiyndaý barysynda búkil suraqtardy qamtidy. Sonymen qatar Ulttyq jobada orta merzimdi jáne uzaq merzimdi kezeńge arnalǵan ónerkásiptik saiasatttyń basymdyqtary men baǵyttaryn kózdeidi», - dedi ol.
Vitse-ministrdiń aitýynsha, Ulttyq baiandama dóńgelek ústelderde, qoǵamdyq keńesterde, Ulttyq kásipkerler palatasy alańdarynda jan-jaqtytalqylanatyn bolady.
