Prezident Qasym-Jomart Toqaev búgingi beineúndeýinde Konstitýtsiialyq sot qurylatynyn aitty, - dep habarlaidy "Ult aqparat".
"Konstitýtsiianyń jańarǵan nusqasynda Prezidenttiń barlyq saiasi kúshter men partiialardan derbestigin bekitý kózdelgen. Memleket basshysynyń jaqyn týystaryna saiasi laýazym ielenýge jáne kvazimemlekettik sektorda basshylyq qyzmet atqarýǵa tyiym salynady. Sondai-aq quqyq qorǵaý salasy boiynsha mańyzdy ózgerister engiziledi. Atap aitsaq, Konstitýtsiialyq sot qurylady.
Adam quqyqtary jónindegi ýákildiń, iaǵni ombýdsmenniń mártebesi Ata zańmen aiqyndalady. Elimizde ólim jazasy múlde joiylady. Munyń bári azamattardyń quqyqtary men bostandyqtaryn qorǵaý úshin jasalyp jatyr. Aldaǵy konstitýtsiialyq reforma el damýynyń jańa kezeńi bastalǵanyn kórsetedi" - dedi Memleket basshysy.
Aita keteiik, búgin Qazaqstan Prezidentiniń tóraǵalyǵymen reformalar jónindegi Joǵary keńestiń kezekti otyrysy ótti. Sondai-aq, Qasym-Jomart Toqaev "Respýblikalyq referendým týraly" Qazaqstan Respýblikasynyń Konstitýtsiialyq zańyna ózgerister men tolyqtyrý engizý týraly" Qazaqstan Respýblikasynyń Konstitýtsiialyq zańyna qol qoidy.
