پرەزيدەنت قاسىم-جومارت توقاەۆ بٷگٸنگٸ بەينەٷندەۋٸندە كونستيتۋتسييالىق سوت قۇرىلاتىنىن ايتتى, - دەپ حابارلايدى "ۇلت اقپارات".
"كونستيتۋتسييانىڭ جاڭارعان نۇسقاسىندا پرەزيدەنتتٸڭ بارلىق ساياسي كٷشتەر مەن پارتييالاردان دەربەستٸگٸن بەكٸتۋ كٶزدەلگەن. مەملەكەت باسشىسىنىڭ جاقىن تۋىستارىنا ساياسي لاۋازىم يەلەنۋگە جەنە كۆازيمەملەكەتتٸك سەكتوردا باسشىلىق قىزمەت اتقارۋعا تىيىم سالىنادى. سونداي-اق قۇقىق قورعاۋ سالاسى بويىنشا ماڭىزدى ٶزگەرٸستەر ەنگٸزٸلەدٸ. اتاپ ايتساق, كونستيتۋتسييالىق سوت قۇرىلادى.
ادام قۇقىقتارى جٶنٸندەگٸ ۋەكٸلدٸڭ, ياعني ومبۋدسمەننٸڭ مەرتەبەسٸ اتا زاڭمەن ايقىندالادى. ەلٸمٸزدە ٶلٸم جازاسى مٷلدە جويىلادى. مۇنىڭ بەرٸ ازاماتتاردىڭ قۇقىقتارى مەن بوستاندىقتارىن قورعاۋ ٷشٸن جاسالىپ جاتىر. الداعى كونستيتۋتسييالىق رەفورما ەل دامۋىنىڭ جاڭا كەزەڭٸ باستالعانىن كٶرسەتەدٸ" - دەدٸ مەملەكەت باسشىسى.
ايتا كەتەيٸك, بٷگٸن قازاقستان پرەزيدەنتٸنٸڭ تٶراعالىعىمەن رەفورمالار جٶنٸندەگٸ جوعارى كەڭەستٸڭ كەزەكتٸ وتىرىسى ٶتتٸ. سونداي-اق, قاسىم-جومارت توقاەۆ "رەسپۋبليكالىق رەفەرەندۋم تۋرالى" قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋ ەنگٸزۋ تۋرالى" قازاقستان رەسپۋبليكاسىنىڭ كونستيتۋتسييالىق زاڭىنا قول قويدى.
