Foto: ashyq derekkóz
Qazaqstanda Nipah virýsyn juqtyrý, sondai-aq ony el aýmaǵyna ákelý jaǵdailary tirkelgen joq. Qazirgi ýaqytta eldegi epidemiologiialyq jaǵdai turaqty jáne baqylaýda, dep habarlaidy Ult.kz.
QR Densaýlyq saqtaý ministrliginiń habarlaýynsha, profilaktika maqsatynda jáne Úndistandaǵy Nipah virýsy boiynsha epidemiologiialyq jaǵdaiǵa bailanysty memlekettik shekara arqyly barlyq ótkizý pýnktterinde sanitariialyq-karantindik baqylaýdy kúsheitti.
Úndistannan jáne aýrý tirkelgen Ońtústik-Shyǵys Aziianyń basqa elderinen kelgen adamdarǵa erekshe nazar aýdarylady. Osy infektsiia boiynsha qolaisyz elderdiń tizbesi turaqty negizde qaita qaralady jáne jańartylady.
"Meditsinalyq uiymdar infektsiia elge engen jaǵdaida qyzmet kórsetýge daiyn. Shuǵyl meditsinalyq kómek jáne infektsiialyq statsionarlar brigadalarynyń daiyndyǵy qamtamasyz etildi, dárilik zattardyń, jeke qorǵaný quraldarynyń jáne dezinfektsiialaý quraldarynyń azaitylmaityn qorlary qalyptastyryldy", - delingen habarlamada.
Vedomstvo infektsiianyń taralýynyń profilaktikasy maqsatynda endemiialyq elderge sapar shegýdi josparlap otyrǵan azamattarǵa jeke profilaktika sharalaryn saqtaý jáne qaityp kelgennen keiin aýrýdyń belgileri paida bolǵan kezde dárigerge bolý eli týraly habarlai otyryp, dereý meditsinalyq kómekke júginý usyndy.
Aita keteiik, Nipah virýsy zoonozdyq infektsiialarǵa jatady jáne adamdarǵa janýarlardan, sonyń ishinde jarqanattar men shoshqalardan, sondai-aq juqtyrǵan adammen tyǵyz bailanysta bolady. Lastanǵan taǵamdar men sýsyndar arqyly berilýi múmkin.
Aýrý joǵary temperatýramen, bas aýrýymen, jalpy álsizdikpen, al aýyr jaǵdailarda ortalyq nerv júiesiniń zaqymdalýymen jáne pnevmoniianyń damýymen birge júrýi múmkin.
Búgingi kúni Nipah virýsyna qarsy arnaiy emdeý jáne maquldanǵan vaktsina joq, meditsinalyq kómek simptomatikalyq bolyp tabylady.
