Foto: Pixabay.com
Qazaqstannyń bas múftii Naýryzbai qajy Taǵanuly úkimettiń kýlýarynda Qazaqstanda nikab kiiýge tyiym salý múmkindigi týraly pikir bildirdi.
"Biz, Qazaqstan musylmandary dini basqarmasy, dinniń negizderin nasihattaimyz. Biz nikab - betti jabatyn kiim ekenin túsinýimiz kerek. Shariǵat mundai kiim kiiýdi mindettemeidi," - dedi Naýryzbai qajy Taǵanuly.
Ol Qazaqstan musylmandary dini basqarmasy zań shyǵarýshy organ emes, tek halyqqa dinniń normalaryn túsindiretinin atap ótti.
"Zańǵa kelsek, ol óz aldyna qabyldanady. Biz zańǵa baǵynýǵa tiispiz. Shariǵat boiynsha árbir kámeletke tolǵan qyz balasy oramal taǵýy kerek. Namaz oqityn árbir qyz balasynyń quqyǵy bar: eger ol oramal taqqysy kelse - bul onyń quqyǵy. Biz onyń quqyǵyn qurmetteýimiz kerek. Eger mektep oqýshysy kámeletke tolsa, ol oramal taǵady. Biraq mektep qabyrǵasynda óz erejeleri bar. Bilim alý da adamdardyń mindeti. Balalar saýatsyz bolmaýy kerek. Bul paiǵambardyń ósietinde kórsetilgen", - dedi bas múfti.
