فوتو: Pixabay.com
قازاقستاننىڭ باس مٷفتيٸ ناۋرىزباي قاجى تاعانۇلى ٷكٸمەتتٸڭ كۋلۋارىندا قازاقستاندا نيكاب كييۋگە تىيىم سالۋ مٷمكٸندٸگٸ تۋرالى پٸكٸر بٸلدٸردٸ.
"بٸز, قازاقستان مۇسىلماندارى دٸني باسقارماسى, دٸننٸڭ نەگٸزدەرٸن ناسيحاتتايمىز. بٸز نيكاب - بەتتٸ جاباتىن كيٸم ەكەنٸن تٷسٸنۋٸمٸز كەرەك. شاريعات مۇنداي كيٸم كييۋدٸ مٸندەتتەمەيدٸ," - دەدٸ ناۋرىزباي قاجى تاعانۇلى.
ول قازاقستان مۇسىلماندارى دٸني باسقارماسى زاڭ شىعارۋشى ورگان ەمەس, تەك حالىققا دٸننٸڭ نورمالارىن تٷسٸندٸرەتٸنٸن اتاپ ٶتتٸ.
"زاڭعا كەلسەك, ول ٶز الدىنا قابىلدانادى. بٸز زاڭعا باعىنۋعا تيٸسپٸز. شاريعات بويىنشا ەربٸر كەمەلەتكە تولعان قىز بالاسى ورامال تاعۋى كەرەك. ناماز وقيتىن ەربٸر قىز بالاسىنىڭ قۇقىعى بار: ەگەر ول ورامال تاققىسى كەلسە - بۇل ونىڭ قۇقىعى. بٸز ونىڭ قۇقىعىن قۇرمەتتەۋٸمٸز كەرەك. ەگەر مەكتەپ وقۋشىسى كەمەلەتكە تولسا, ول ورامال تاعادى. بٸراق مەكتەپ قابىرعاسىندا ٶز ەرەجەلەرٸ بار. بٸلٸم الۋ دا ادامداردىڭ مٸندەتٸ. بالالار ساۋاتسىز بولماۋى كەرەك. بۇل پايعامباردىڭ ٶسيەتٸندە كٶرسەتٸلگەن", - دەدٸ باس مٷفتي.
