QR Sanitarlyq-epidemiologiialyq baqylaý komitetiniń tóraǵasy Aijan Esmaǵambetova eldegi vaktsinalardyń qory týraly málimet usyndy, dep habarlaidy QazAqparat.
Ortalyq kommýnikatsiialar qyzmetinde ótken brifingide BAQ ókilderi Komitet basshysynan koronavirýsqa qarsy ekpeniń qory týraly suraq qoidy.
«Búginde bizde QazVas-tyń 500 myń dozasy, Sinopharm-nyń 1 mln 300 myń dozasy, «Spýtniktiń» 500 myńdai dozasy jáne Pfizer-diń 2500 dozasy qaldy. Bul vaktsinalardyń bári vaktsinatsiiaǵa da, revaktsinatsiiaǵa da qoldanylady. «Spýtnik V» ǵana tek vaktsinatsiiaǵa paidalanylady. Óitkeni eki kompnenti eki túrli ekeni esterińizde shyǵar», - dedi Aijan Esmaǵambetova.
Buǵan deiin ol elimizde táýlik saiyn Pfizer vaktsinasynyń 15-16 myń doasyz egilip jatqanyn aitty.
«Biz Pfizer vaktsinasyn ege bastaǵan kezde táýlik saiyn 500-300 adam ǵana ekpe qabyldaǵany esterińizde shyǵar. Iaǵni, kez kelgen vaktsina siiaqty, basynda bári áliptiń artyn baqty. Keiin qaýipsiz ekenine kózderi jetken soń vaktsinatsiia qarqyny óse bastady. Búginde táýlik saiyn Pfizer vaktsinasyn 15-16 myń adam qabyldaidy. Onyń ishinde balalar da, júkti áielder de, bala emizetinder de bar. Búginde Pfizer vaktsinasynyń 1 mln dozasyn táýekel tobyndaǵy adamdarǵa baǵyttaǵaly otyrmyz», - dedi ol.
