QR SIM Saýda komitetiniń tóraǵasy Erjan Qazanbaev áleýmettik mańyzy bar azyq-túlik taýarlarynyń (ÁMAT) baǵasyn turaqtandyrý boiynsha qabyldanyp jatqan sharalar týraly aitty, dep habarlaidy QazAqparat.
Saýda komitetiniń tóraǵasy atap ótkendei, sońǵy 2 jyldaǵy úrdis búkil álem boiynsha azyq-túlik baǵasynyń aitarlyqtai ósýi bolyp tabylady. 2020 jáne 2021 jyldary Sovid-19 saldarynan logistikanyń kúrdeliligine kóptegen elderde qurǵaqshylyq jáne nátijesinde álemdik naryqtardaǵy baǵanyń ósýi qosyldy. Qazaqstan da budan tys qalǵan joq.
Búgingi basty mindet - baǵanyń kúrt kóterilýine jol bermeý. Bul boiynsha Ministrlik ortalyq memlekettik organdarmen jáne ákimdiktermen birlesip jumys júrgizýde.
Birinshiden, azyq-túlik taýarlarynyń negizgi túrleriniń naqty jáne baǵalyq qoljetimdiligin qamtamasyz etý boiynsha jumys jalǵasýda.
Egis alqaptaryn jáne áleýmettik mańyzy bar taýarlardy óndirýge arnalǵan basym daqyldar óndirisin ulǵaitý josparlanǵan.
Qazirgi ýaqytta elimizde negizgi azyq-túlik taýarlarynyń 5 ailyq qory qalyptastyryldy.
Tutynýshy úshin baǵany tómendetý úshin áleýmettik mańyzy bar azyq-túlik taýarlaryna saýda ústemesiniń mólsherin (tizbede olardyń 19 túri) 15-ten 10% - ǵa deiin qysqartý týraly sheshim qabyldandy.
Budan basqa, jergilikti biýdjet esebinen turaqtandyrý qorlaryn qarjylandyrý jáne saýda jelilerin kreditteýdi 140 mlrd. teńgege deiin jetkizý josparlanýda (búgingi kúni 70 mlrd teńge bólindi).
Ekinshiden, maýsymaralyq kezeńde Ortalyq Aziia elderinen erte importtyq jemis-kókónis ónimderin forvardtyq satyp alýdy uiymdastyrý boiynsha jumystar júrgizilýde.
«Ministrlik pen ákimdikter jumysynyń qosymsha blogy memlekettik baqylaýdy kúsheitý bolyp tabylady, jergilikti atqarýshy organdar tarapynan jurtshylyqty tartý arqyly saýda ústemesin jáne syiaqyny baqylaý boiynsha jumysty kúsheitemiz», - dedi Erjan Qazanbaev.
