Densaýlyq saqtaý ministri Aleksei Tsoi Qazaqstanda «Spýtnik V» vaktsinasyn óndirý jóninde sheshim qabyldanǵanyn aityp berdi, dep habarlaidy QazAqparat.
«Birinshiden, reseilik vaktsina – álem boiynsha tirkelgen alǵashqy vaktsina. Onyń tirkelgen estigen kezde-aq kelissóz júrgizýdi bastadyq. Ózderińiz bilesizder, Qazaqstan men Resei Memleket basshylary deńgeiinde osy vaktsinany QR aýmaǵyna jetkizý jáne kómek kórsetý týraly ýaǵdalastyq ornatty. Resei Federatsiiasy tarapynan tehnologiialar transfertine, vaktsinalar óndirýge jáne Reseiden tys jerlerde satýǵa airyqsha quqyǵy bar reseilik tikelei investitsiialar qory bar. Osy qormen kelissózder júrgizdik jáne yntymaqtastyq týraly memorandýmǵa qol qoidyq. Qazaqstanda vaktsinalar óndirisi baǵdarlamasyn júzege asyrýda seriktes bolýy múmkin qazaqstandyq kásiporyndardyń tizimin usyndyq», - dep jaýap berdi ministr Ortalyq kommýnikatsiialar qyzmetindegi brifingte.
Reseilik tikelei investitsiia qory qazaqstandyq kásiporyndarǵa taldaý jasady jáne biologiialyq preparattar shyǵaratyn jalǵyz kásiporyn Qaraǵandy farmatsevtikalyq zaýyty bolyp shyqty. Qalǵan óndiris tabletka, dári-dármek syndy himiialyq zattardy kóbirek shyǵarady.
«Sol sebepti jalǵyz óndiris tańdaldy, sodan keiin, árine, belsendi jumys bastaldy. 1 aqpanǵa deiin vaktsinanyń alǵashqy partiiasyn jetkizý mindeti turdy. Biz kún saiyn bailanysta boldyq. Qaraǵandy farmzaýytynyń basshylyǵy óz óndirisiniń bir bóligin toqtatyp, óndiris alańyn qaita qurdy, barlyq logistikany pysyqtady, tekserdi, qosymsha validatsiia jasady. Osydan keiin sol jerde óndiristi iske qostyq. Iaǵni, bul vaktsina óndirisin Qazaqstanda bastaýdyń eń jyldam nusqalarynyń biri boldy», - dep túsindirdi A. Tsoi.
