Astyq túsiminiń tómendigi nan baǵasyna bolar-bolmas áser etýi múmkin. Bul týraly aýyl sharýashylyǵy birinshi vitse-ministri Aidarbek Saparov málimdedi, dep habarlaidy Sputnik agenttigi.
"Nan baǵasyna toqtalsaq, ázirge ol turaqty. Áleýmettik nannyń bir bólkesi – 78 teńgeden 85 teńgege deiin. Bidai baǵasy ósken jaǵdaida, áleýmettik-kásipkerlik korporatsiialar, ákimdikterdiń turaqtandyrý qorlary, "Azyq-túlik kelisim shart korporatsiiasy" iske qosylady", - dedi Saparov brifingte.
Vitse-ministrdiń pikirinshe, nannyń qymbattaýy jaily aitý áli erte.
"Egin orý naýqany áli júrip jatyr, astyq alqabynyń shamamen 20 protsenti orylǵan joq. Baǵa ósken kúnniń ózinde, bolar-bolmas qana kóteriledi. Biraq áleýmettik nannyń baǵasy sol kúiinde qalady, óitkeni qazir ákimdikter turaqtandyrý qorlaryna un satyp alyp, qamdanyp jatyr. Áleýmettik nanǵa qatysty problema kórip turǵan joqpyz", - dedi ol.
Ministrliktiń málimetinshe, qazir 2,5 million tonnadan astam astyq elevatorlarǵa jetkizilgen.
"Bidai ylǵaldy kúiinde tústi. Alaida oblystardyń ótinishimen úkimet astyqty keptirý úshin qyrmandarǵa taǵy 50 myń tonna janar-jaǵarmai bólip jatyr", - dedi Saparov.
