Foto: Energetika ministrligi
Qazaqstan Respýblikasy Energetika ministrligi 2025 jylǵy qańtar–sáýir ailaryndaǵy iri munai óńdeý zaýyttarynyń jumys qorytyndylaryn shyǵardy, dep habarlaidy Ult.kz.
Eldiń iri munai óńdeý zaýyttarynda 2025 jyldyń alǵashqy tórt aiynda 6,092 mln tonna munai óńdeldi. Bul kórsetkish 2024 jyldyń sáikes kezeńimen salystyrǵanda 10,8%-ǵa joǵary.
Óńdeý kóleminiń artýy ishki jáne syrtqy naryqtarda suranysqa ie negizgi munai ónimderiniń óndirisiniń ulǵaiýyna basty faktor boldy.
Atap aitqanda:
- - avtomobil benzini óndirisi 25,4%-ǵa artyp, 2,082 mln tonnany qurady;
- - dizel otynynyń óndirisi 18,9%-ǵa ósip, 1,921 mln tonnaǵa jetti;
- - aviatsiialyq kerosin óndirisi 5,3%-ǵa artyp, 0,255 mln tonnany qurady.
Energetika ministrligi munai óńdeý salasynyń turaqty jumysyn qamtamasyz etý, ishki naryqty munai ónimderimen senimdi jabdyqtaý, sondai-aq kásiporyndardyń tiimdiligi men tehnologiialyq damý deńgeiin arttyrýǵa baǵyttalǵan strategiialyq sharalardy iske asyrýdy jalǵastyrady.
