2021-2025 jyldary munai-gaz-himiia salasyna mamandanǵan 7 zaýyt salynýy múmkin. Jobalardyń jalpy quny - 12,7 mlrd dollar, dep habarlaidy QazAqparat.
Energetika ministri Nurlan Noǵaev Májiliste ótken otyrysta Munai-gaz-himiia salasyn damytýdyń bes jyldyq ulttyq jobasy qandai nátije beretinin túsindirdi
«Úkimetpen munai-gaz sektoryn shikizattyq baǵyttan tereń óńdelgen, qosylǵan quny joǵary ónim shyǵarýǵa baǵdarlaý boiynsha jumys júrgizilýde. Qoiylǵan mindetterdi iske asyrý arqyly munai-gaz himiiasy ónimderi óndirisiniń kólemin 2025 jylǵa qarai 2 mln tonnaǵa jetkizý kózdelgen», - dedi Nurlan Noǵaev.
Ministrdiń sózine qaraǵanda, osynyń arqasynda munai-gaz himiiasy ónimderiniń eksportyn 2025 jylǵa qarai 8 esege ulǵaityp, 1,336 mlrd dollar tabs ákeli kózdelgen.
«Bul barlyq kiristiń 80%-yn quraidy. Osylaisha, 2025 jylǵa deiin jalpy quny 4,7 mlrd dollar bolatyn 5 zaýyttyń qurylysyn aiaqtap, jalpy quny 12,7 mlrd dollar bolatyn 7 zaýyttyń qurylysyn bastaý kózdelýde», - dedi vedomstvo basshysy.
