2021-2025 جىلدارى مۇناي-گاز-حيمييا سالاسىنا ماماندانعان 7 زاۋىت سالىنۋى مٷمكٸن. جوبالاردىڭ جالپى قۇنى - 12,7 ملرد دوللار, دەپ حابارلايدى قازاقپارات.
ەنەرگەتيكا مينيسترٸ نۇرلان نوعاەۆ مەجٸلٸستە ٶتكەن وتىرىستا مۇناي-گاز-حيمييا سالاسىن دامىتۋدىڭ بەس جىلدىق ۇلتتىق جوباسى قانداي نەتيجە بەرەتٸنٸن تٷسٸندٸردٸ
«ٷكٸمەتپەن مۇناي-گاز سەكتورىن شيكٸزاتتىق باعىتتان تەرەڭ ٶڭدەلگەن, قوسىلعان قۇنى جوعارى ٶنٸم شىعارۋعا باعدارلاۋ بويىنشا جۇمىس جٷرگٸزٸلۋدە. قويىلعان مٸندەتتەردٸ ٸسكە اسىرۋ ارقىلى مۇناي-گاز حيميياسى ٶنٸمدەرٸ ٶندٸرٸسٸنٸڭ كٶلەمٸن 2025 جىلعا قاراي 2 ملن تونناعا جەتكٸزۋ كٶزدەلگەن», - دەدٸ نۇرلان نوعاەۆ.
مينيستردٸڭ سٶزٸنە قاراعاندا, وسىنىڭ ارقاسىندا مۇناي-گاز حيميياسى ٶنٸمدەرٸنٸڭ ەكسپورتىن 2025 جىلعا قاراي 8 ەسەگە ۇلعايتىپ, 1,336 ملرد دوللار تابس ەكەلٸ كٶزدەلگەن.
«بۇل بارلىق كٸرٸستٸڭ 80%-ىن قۇرايدى. وسىلايشا, 2025 جىلعا دەيٸن جالپى قۇنى 4,7 ملرد دوللار بولاتىن 5 زاۋىتتىڭ قۇرىلىسىن اياقتاپ, جالپى قۇنى 12,7 ملرد دوللار بولاتىن 7 زاۋىتتىڭ قۇرىلىسىن باستاۋ كٶزدەلۋدە», - دەدٸ ۆەدومستۆو باسشىسى.
