Foto: QR OAM
Inkliýzivti orta qalyptastyrý bilim berý salasyndaǵy negizgi basymdyqtardyń biri. Osy baǵytta búginde elimizde «Múmkindigi shekteýli balalardy (tulǵalardy) keshendi qoldaý týraly» jańa Zań jobasy ázirlenýde, dep habarlaidy Ult.kz.
Bul mańyzdy qujat Memleket basshysynyń IV Ulttyq quryltai otyrysynda bergen tapsyrmasy men QR Parlamenti Senaty depýtattarynyń bastamasymen ázirlenýde. Onyń negizgi maqsaty – erekshe bilim berý qajettilikteri bar balalardyń sapaly bilim alýy úshin meditsinalyq, bilim berý jáne áleýmettik qyzmetterge teń ári úzdiksiz qoljetimdilikti qamtamasyz etý.
«Zańnyń qabyldanýy keshendi kómekke muqtaj balalar úshin kelisilgen, ataýly jáne turaqty qoldaý júiesin qurýǵa múmkindik beredi. Qujat Qazaqstanǵa 2024 jyly BUU-nyń Múgedekter quqyqtary jónindegi komiteti bergen usynymdaryn iske asyrý maqsatynda ázirlendi», – deidi QR Oqý-aǵartý ministrliginiń Inkliýzivti jáne arnaiy bilim departamentiniń direktory Bulbul Eleýsinova.
Qazaqstanda erekshe bilim berý qajettilikteri bar 235 myń bala bar. Bul salada 508 arnaiy bilim berý uiymy jumys isteidi: 110 PMPK, 230 KPPK, 99 arnaiy mektep, 45 arnaiy mektepke deiingi uiym, 13 ońaltý ortalyǵy jáne 11 aýtizm ortalyǵy.
Inkliýzivti bilim berýdi keńeitý úshin árbir bilim berý uiymynda psihologiialyq-pedagogikalyq qoldaý qyzmetteri quryldy, 29 myńnan astam maman kómek kórsetýde, myńnan asa inkliýziia kabineti jumys isteidi. Jalpy, balalardy arnaiy psihologiialyq-pedagogikalyq qoldaýmen qamtý deńgeii 85%-dy quraidy.
